Lafaek News—Segunda( 30/09/2024) Prezidente Autoridade Protesaun Sivil, Jesuino dos Reis de Matos, Carvalho akompaña husi Sekretáriu Estadu Protesaun Sivil, Domingos Mariano Reis, asina Memorandu Entendimentu ho Kompaña Aquitic Dive Resort,lda. atu fó treinamentu  ba membru espesialista 30 husi Unidade Marítima-Autoridade Protesaun Sivil kona-ba nani tasi.

Atividade asinatura ne’e realiza iha APC Kaikoli Dili, nune’e Komandante nasional protesaun Sivil, Nuno Rumaldo Gomes, afirma oportunidade ida di’ak tebes tanba F-FDTL ho PNTL sei servisu hamutuk hodi fo resposta ba situasaun emerjénsia hanesan ahi han roo no roo mout no dezatre sira seluk.

“Autoridade protesaun Civil ita kontinua kapasita ita nia membros PNTL sira liuliu unidade espesial ho hanoin hirak ne’e ita kordena, ikus mai ita hamosu akordu ida meio ida ne’ebé mai ho objetivu atu fo formasaun liu-liu iha area marítima, hanesan ita hotu hatene ita nia rekursu atu fo resposta ba situasaun emerjénsia Maritima ne’e menus, ho ida ne’e  orsamentu ne’ebé koloka iha sentru operasaun nasional ami hanoin ida katak F-FDTL ho PNTL iha rekursu atu bele fo resposta ba situasaun emerjénsia marítima, maibé, nia dehan minímu autoridade protesaun sivil tenke iha mos rekursu ida, internalmente hodi bele hahú organiza, karik iha asidente ruma ema mout, ahin han roo ho rekursu ne’ebé iha ita bele fo resposta ruma.”Hateten Komandante Nacional protesaun civil Nuno Romualdo Gomes iha Discursu asina Mou iha APC kaikoli Dili loron segunda feira /30/09/2024

Nune mos nia salienta, ema ne’ebé atu sai unidade espesialista ne’e hamutuk 30, sira sei halo selesaun ba loron lima nia laran sei koko iis tanba sira sei nani to 200 metros .

“Ita nia treinamentu ida ne’e ita planu ba ema na’in tolun nulu liliu iha unidade especial,ema nain tolu nulu ne’e sei halo selecaun ba loron  lima nia laran se sira bele nani to’o metru atus rua (200) maka ita ba hato iha etapa de segundu oinsa bele luku ho ekipa mentu sira,it’s iha ona ekipa mentus balu kona-ba luku nian espera katak ne’e intrumentu ida para hodi fo resposta  ba situasaun emerjensia ruma iha parte tasi,ita iha ekipamentus mais ita la utiliza,tanba primeiru ita la iha kuinesementu diak oinsa atu bele nani tasi ho diak luku ho diak,oinsa atu halo buska e salvamentu iha parte maritima nian ho objetivu ida-ne’e maka ita ohin realiza MOU ida ne’e atu bele fo treinamentu ba ita nia unidade espesial sira ho objetivu katak treinamentu ida ne’e ita espera bele hetan ema ida ka rua ne’ebé iha ona espesialidade ba iha area ne’e no ikus ita uza ema sira ne’e mak bele fo fali formasaun kontinua saun ita sei la lakon tan orsamentu ne’ebé bo’ot, bainhira iha formasaun ida ne’e ita bele hetan instruktor ne’ebé di’ak, nani hatene luku hodi halo salvamentu ba vítima sira”haktuir nia.

 Nune mos meneger kompania Aquitic  Dive resorts LDA Desmond Tuck meng Lee mos haktuir sira sei asugura no lakoi asidente ruma akontese ba ema, no mos unidade espesialista sira mos tenki ho idade 25 to 30

“Preokupasaun boot liu maka seguransa, atu asegura katak ema hotu seguru. Ami lakohi asidente ruma akontese. Bazikamente ida-ne’e maka kona-ba ida-ne’e. Ami sei asegura de’it katak ema hotu bele halo báziku sira natasaun nian no kontinua hosi ne’ebá iha progresu entaun ami sei lori ema hotu-hotu tama uluk iha piscina, haree no avalia atu asegura ida-ne’ebé maka ami bele hanorin, ida-ne’ebé maka ami hanoin sei lori tempu naruk. La fasil ba ami atu hanorin nadador sira husi idade 25 to’o 30 anos. Entaun ita sei tenke avalia, haree ida-ne’ebé maka ita hanoin katak konfortavel iha bee laran, ida-ne’ebé mak moras ka nervozu. Ita sei tenke troka gatilho iha ne’ebá. Ami nia objetivu prinsipál maka atu asegura katak ema hotu-hotu seguru no fiar-an iha bee laran.”nia afirma

Entretantu  Sekretario Estado Protesaun Sivil, Domingos Mariano Reis, reforsa kona-ba kapasitasaun unidade espesialista sira liliu ba nani tenki haree sira nia kondiasaun ho diak, labele hetan moras oin-oin atu nune labele fo risku ba sira nia vida

“Ita asiste ona husi diretor kompañia naran Aquitic Dive Resort, Ita marka tan istória ida ne’ebé úniku ituan ita aturidade protesaun sivil koperasaun entre Autoridade Protesaun Sivil ho ita nia kompania ne’ebé ohin marka prezensia iha ne’e atu kapasita unidade especial sira liuliu ba nani, ohin hatete dehan swimming. Saida mak tenke halo no saida mak tenke prepara, Unidade Espesial hola responsabilidade hodi bele halo selesaun ba ita nia membru espesial sira liu husi péritu rekejitus ruma atu hatene ema sira ho detallu,” membru governeu ne’e sublina.

Jornalista: Maria Jose/Gracia Soares