Lafaek News–Sabadu (28/09/2024) Universidade Oriental Timor-Lorosa’e (UNITAL), ohin halo graduasaun ba dala-XIV, lisensiatura Eng. Fakuldafe Engenaria, Departementu Eletronika, no iha Graduante oin-oin ne’ebe  hamahan-an iha Universidade refere mak, Fakuldade Saúde, Fakuldade Cispol, Fakuldade Direitu, Fakuldade Agrikultura, Fakuldade Edukasaun, Fakuldade Ekonomia no Fakuldade Engeñaria, ho graduadu/a sira ne’e, nu’udár fini ne’ebé Ensinu Superior produs atu kontribui ba dezenvolvimentu nasionál.

Iha Fatin ne’e Graduante, Deonísio Soares Afirma katak, Senti Kontente tanba simu apalidu foun ba lisensiatura Eng husi Universitariu Oriental Timor Lorosa’e (UNITAL), tanba ne’e nia la lao mesak maibe ema lubuk ida niaa esforsu hodi hasai lisensiatura ida ne’e.

“Sente kontenti no orgullu ba títulu lisensiatura ne’ebé ha’u hetan, maibé iha sorin seluk mos sente triste uitoan tamba, títulu no susessu ne’ebé ha’u hetan, la’os mai husi sakrifísiu mesak, maibe ema lubuk ida. Balun la iha ona no balun sei iha. Ho sira nia kontribuisaun tomak, ohin loron, ha’u bele hetan susessu ida ne’e”, dehan iha Universitariu UNITAL

Deonísio remata nia estudu iha Pre-sekundária, iha Dom Bosco Fatumaca maibé la temara tanba asume kna’ar foun nu’udár Sefe-Suku iha Suku Serelau, postu Administrativu Lautem, Munisipiu Lautem.

“Depoizde finaliza pre-sekundária, hau tama ensinu tékniku vokasional iha Fatumaka Baucau, depoiz ne’e, ha’u kontinua tan iha UNTL, hodi foti Fakuldade Engeñaria iha Hera. Depoizde ha’u livre teoria, ha’u eleitu ba sefe suku, tamba ne’e, tempu ladun iha atu kontinua ha’u nia estudu. Ho ida ne’e, ha’u halo karta transferénsia ba iha UNITAL hodi foti programa D3”, deklra Sefe Suku sesante.

Deonisio akresenta katak, relasiona ho prosesu aprendijagen ne’e hasoru buat oioin maibé nafatin agradese tanbá iha ema di’ak barak iha nia  sorin-sorin hodi remata nia estudu iha Universitariu UNITAL.

“Dezafiu oioin ne’ebé hasoru, ema barak hatene no hau mos tenke rekonese katak ita mai husi família ida ne’ebé maka ninia ekonomia ladun di’ak, ita bele rekoñese ita nia-an katak mai husi família ida ki’ak, no lo’os duni tenke hasoru dezafiu oioin. Kuandu mai tama universidade, tenke kesi kabun, tenke hamlaha, moras mos dalaruma ita la’o I sakrifísiu lubuk ida ita liu to’o mai prosessu ida ne’e. maibé, ha’u agradese tamba, iha ema di’ak barak ke iha hau nia sorin-sorin, iha hau nia oin no iha hau nia kotuk ne’ebé durante ne’e suporta hau, atu bele ultrapassa situasaun difisíl sira ne’e. I ohin, liu husi ida ne’e, hakarak atu introduz no aprezenta ba parte hirak ne’ebé maka tulun ha’u, sei save bah au nia susessu maka; Pai Saudozu Julio Barata Soares nu’udár inspirator no protetor ha’u nian. Purtantu herói no xave ba ha’u nia susesu mak, ha’u nia inan-aman, ha’u nia tiun sira, ha’u nia fén ho oan sira, ha’u nia alin na’in ne’en, família bo’ot Fozemoko, ha’u nia feton ho rian sira hotu. La’os ne’e de’it mas momentu ida ha’u haka’at oin hodi aprende iha faze ida inísiu, la haluha mos katak, husi manorin-nain sira husi SDN númeru 5 Serelau, mestre sira husi pre-sekundáriu númeru Lautém liu-liu Padre Locateli hamutuk ho Padre no Frater salezianu Dom Bosco Fatumaca no mos Dosente sira hotu iha fakuldade Enjeñria departamentu eletronika husi Hera UNTL no UNITAL Becora. Wainhira ha’u livre teoria iha fakuldade Engeñaria Hera nian, ha’u la konsege finaliza no ha’u laiha ona vontade ka lakon esperansa total, maibé halo ha’u iha korajén tomak hodi aprende fila-fali maka, ha’u nia Aman Mestre bo’ot KORK Bou Naimori ho segundu Mestre Bou Amozi Magno mak motiva no inspira fila-fali ha’u, até obriga to’o ha’u rasik ohin bele iha títulu foun ne’e”, dehan Graduante deonisio

Deonísio kompremitidu sei kontribui ba Nia Aldeia, Suku, Munisípiu no ba Nasaun, tanba ne’e dever ka obrigasaun

“Sim. Hau tanba ida ne’e, senti orguillu tamba sakrifísiu ne’ebe ita liu. Ohin ita bele hetan resultadu hanesan lisensiatura. Mais ita nia mehi no misaun ne’ebé mak ita iha, seidauk hotu. Ita kuandu ogullu liu tan, kuandu titulu ne’ebe ita hetan, diploma ne’ebé ita hetan, bele útil, bele servi, ita bele servi ba família, ba sosiedade, ba aldeia no suku no servi ba nasaun. Tamba ne’e, hau komprometidu. Ho matnek ne’ebe hau hetan, ho titulu nebe hau iha,  hau koko atu kontribui, oinsa para atu servi diak ba ha’u nia família, ba ha’u nia fén ho oan sira. Ba hau nia família, hau nia inan aman ne’ebé desde husi ki’ik sira sakrifika-an para lori hau too mai iha ne’e, I hau mos komprometidu atu kontinua kontribui ba hau nia Suku, hau nia aldeia, liu husi hau nia hanoin diak ruma, liu husi asaun balun ne’ebé karik hau bele halo, ba Munisípiu Lautém no ba ita nia Nasaun, ida ne’e, ita nia dever ka obrigasaun,” nia komprometidu.

Eis xefe Suku, sugere ba Foinsa’e sira, hodi kontinua durante iha  prosessu aprendizajen iha nivel edukasuan universitariu no labele haluha mos hateke ba kotuk  Inan Aman nia terus, kolen, no sakrifísiu hodi motiva ita, nune’e bele dudu no enkoraja bele avansa ba oin no susesu.

“Diak, hau nia mensajem ba kolega, alin sira ka oan sira ne’ebe maka hala’o hela sira nia estudu, atu labele lakon esperansa kuandu hetan sakrifísiu hasoru dezafiu ruma, ka prosessu sira ne’e tuir sakrifísiu ne’ebe ke boot, ita labele lakon esperansa tamba la iha susessu ida ne’ebé maka la liu husi sakrifísiu ida ne’e, la iha susessu ida ne’ebé maka la hasoru dezafiu, la hasoru obstákulu, maibé sempre iha dezafiu no obstakulu. Dezafiu no obstakulu, sakrifisu sira ne’e, atu ajuda ita para atu hakat ba oin ho forte, hamri’ik ho forte, atu ajuda, atu eduka ita sai oan ne’ebe di’ak, sai maun no Aman ne’ebé diak iha sosiedade.

Tanba ida ne’e, husu para labele lakon esperansa, ha’u de’it, hau rasik de’it hanesan hau nia-an ne’ebé ke lakon esperansa tinan barak depoizde simu motivasaun, lifuan di’ak, mensajén furak sira husi maun Aman sira hansan ohin, hau hateten  bele muda hau nia an, hau bele susessu no kontinua esforsu para atu susessu. Husu ba ha’u nia alin sira para importante badinas estuda, dixiplina estuda. Importante maka durante iha ita nia estudu, la bele haluha-an hasa’e nafatin ita nia orasaun ba Maromak, tamba se la iha Maromak se la iha tulun husi maromak, ita bele matenek oinsa mos, ita labele susessu. Durante prosessu, labele haluha mos hateke ba kotuk, Inan Aman nia terus, nia kolen, nia sakrifísiu, para bele motiva ita, para bele dudu no enkoraja ita para ita bele avansa ba oin”, sugere Graduadu.

Ekipa kobertura : Lafaeknews