Lafaek News-=António do Rosario ho idade 63 hela iha aldeia Metin,suku Lahane,Postu administrativu Nain-feto,munisípiu Díli ho nia kaben Lidia Amaral idade 46 sofre hela moras mental no iha uma de’it.
Durante tinan 4, Antonio la la’o sai ba liur, toba de’it iha rai-leten tanba sofre paru-paru no mear ran, laiha familia no ema seluk atu tau matan ba uma kain ne’e iha ne’ebe laiha hahan no sofre moras la hanesan entre fen-laen.
António ho Lidia iha oan nain 3 kompostu husi mane ida feto rua, sira nain hira ne’e eskola hotu iha eskola ensino baziku filial 1,2 Aituri-laran, familia António ho Lidia hasoru susar ne’ebe kumplikadu tebes, António sofre moras dahuluk pulmaun no ikus mai ho tan moras komplikado hanesan hodi atake nia to’o hela deit iha uma la halo servisu durante tinan 4 nia laran ona.
“Moras tinan 4 haat sofre primeiru moras oin ida deit, mas moras ida ne’e sai halo hau terus terus bo’ot liu, moras paru paru, tafui mai raan,” Dehan António do Rasario ba jornlista lafaek news iha nia residensia Ai-turilaran,aldeia Metin fóin lalais ne’e.
Terus ne’ebe Antonio hasoru, nia labele halo buat ida liu-liu responde nesesidade uma laran hanesan foos, mina no masin, kondisaun obriga tenke toba de’it iha fatin hodi hein distinu husi aman maromak iha leten as ba.
“Ha’u halo tratamentu baixa iha Tibar fulan 2, fila-fali mai, moras ne’e nafatin kontinua tanba ha’u servisu hakaas a’an nafatin ohin loron sai hanesan ne’e,dala ruma hahan de’it mos xefe aldeia ho vizinu maka oferese mai ha’u,”Hatutan nia.
Antes ne’e António servisu hanesan funsionariu Guarda Munisípiu Dili ka Gestão Merkadu Taibesi iha tinan 2015,no ikus mai sofre moras António hapara nia servisu no toba de’it iha uma no dala ruma osan atu selu de’it oan sira nia eskola mos susar, nune’e desidi nia ona balun labele kontinua eskola tanba ekonomia uma laran.
“ Ha’u nia profisaun hanesan gestào merkado taibesi ho salario kada fulan dolares amérikanos $160, labele hadia to’o ha’u hetan moras no uma sai a’at hotu,” Relata nia.
Laos deit sofremento moras maibe familia António mos enfrenta kondisaun uma ladiak tamba inundasaun iha loron 4 fulan abril ne’e sira mos hetan inundasaun hotu,hodi mota sobu dapur no didin lolon uma nian mos hetan estragus total tamba korente be’e ne’ebe maka ho velosidade makas tebes.
Uma ne’ebe maka familia ne’e hela ho medida 7X8 didin ho piku ne’ebe lahuk, haketak ho kuartu 3, no kuartu ida tau kama rua iha laran hodi António ho nia kaben no oan nain tolu toba, maibe hateke ba kakuluk nakonu ho labadain no kuak ne’ebe hatudo kalen a’at ona no kuak hotu wainhira tempu udan susar tebes ba sira,
No kuartu rua seluk, ida sai hanesan dapur tanba dapur sira nian at,no ida seluk rai sasan hanesan triplex, kaixa at, kalen, masa mamuk balun inklui ho sasan dapur nian,no sala visita ida inklui ho varanda, maibe iha odamatan oin sei nakonu ho rai ten ne’ebe maka iha fulan kotuk akontese inundasaun.
Moras atan ne’e konta, momentu inundasaun nne’e be’e tama estraga hotu uma laran, laiha fórsa atu hadia, estadu mai promete to agora nunka mai realiza,no karik maluk balun iha hanoin bele mai ajuda lalai.
Xefe aldeia Metin, Flavia Maria da Costa rekoinese duni familia ne’e los duni moris susar tanba hahan no kondisaun saude inklui ho uma ladiak ho nune’e nia parte hato’o ona dadus ba parte relevante, maibe resultadu laiha.
“ Dalaruama sira ejisi, ha’u maka fó hahan ba familia ne’e hanesan fós lata ida ka rua, hanesan ne’e maske la barak maibe ajuda netik familia ne’e ba loron balun,”Hatutan xefe aldeia.
Xefe aldeia hatutan nia hetan ona osan idosos dalaruama osan idosos deit mos ba sira atu sosa hahan ba loron naruk nia laran susar no hira maka atu hare ba labarik ,no hira maka atu sosa hahan ba han loron-loron nian.
jornalista estajiada : Carla Borges
Editór : Agapito De deus
