Lafaek News—Sekretáriu Jerál Partidu Frente Revolusionáriu Timor Leste Independente (FRETILIN), Mari Alkatiri, afirma nia parte seidauk bele deskobre didi’ak promesa ba se atu hamate FRETILIN.
“Agora ha’u seidauk deskobre didi’ak halo promesa ba se atu hamate FRETILIN ne’e mak ha’u sidauk maibe ha’u besik to’o ona promesa ne’e halo ba se para atu hamate FRETILIN atu garante independesia ida bele benefisariu,” Sekjen FRETILIN, Marí Alkatiri hato’o asuntu ne’e ba jornalista sira hafoin sai oradór principal iha semináriu ne’ebé realiza iha IOB, tersa (24/11/2020).
Marí Alkatiri dehan FRERILIN Organiza malu ema la gosta, tanba hateten FRETILIN moris nafatin sei bele halo ekilibriu, bainhira FRETILIN ba ona museum laiha ona Ekilibriu.
“Objetivu atu lori FRERILIN ba muzeu no ami hamutuk organiza fali FRETILIN buat sira ne’e hotu ne’e ema la gosta” dehan sekretariu jerál partidu FRETILIN Marí Alkatiri.
Nia hatutan besik ona iha ne’eba la’os halo persegisaun no la’os atu halo vingansa más realidade tenke sai.
“Odmatan tribunal sei nakloke labele hakilar de’it iha liur polítiku, ohin ha’u mai iha ne’e ha’u lakohi ko’alia buat sira ne’e i ha’u seidauk temi naran ha’u la tama governu tan se ha’u mak tama governu ohin hakilar dehan nia ne’e kanten hakarak sai ministru,”tenik nia
Ikus liu sekretáriu jerál FRETILIN ne’e dehan, prinsípiu hotu-hotu FRETILIN nian dezde 64-65 konsege sentitiza iha pontus 6 i se mak FRETILIN, FRETILIN nafatin, maske harii hikas fali partidu seluk.
Jornalista : Zeferino Barreto
Editora : Nelya Barros
