Lafaek News—Assosiasaun Jornalista Timor Loro sa’e (AJTL) ho OXFAM iha Timor Leste, lansa bulletin media Tour ho tema bulletin kampania no advokasia ba justisa klimátika, periodu 2024 ho nian ne’ebé hala’o ona kobertura iha munisípiu tolu hanesan Lautém, Ermera inklui RAEOA.
Iha lasamemtu ne’e Prezidente Asosiasaun Jornalista Timor Lorosae (AJTL) Maria Zevonia Vieira esplika, lasamemtu Buletin media tour ohin ninian hahú husi tinan kotuk too tinan Ida ne’e, halo media tour ba munisipiu tolu inklui Raeoa, hodi haree ba mudansa Klimátika, sei produs hamutuk media Buletin tour sei interega ba governu.
“Programa ne’e hetan apoiu husi OXFAM Honkong, no-mos kolabora ho OXFAM Timor Leste, iha tinan kotuk to fulan fevereriu 2025 AJTL kolabora ho OXFAM Timor Ita halo media tour ba munisipiu tolu inklui Raeoa, halo kobertura kona-ba mudansa klimátika ba grupu vulneravel sira, ema difesensia, no krize bee, no mos joven produtivu sira ne’ebé uza sira nia matenek hodi halo debu ajuda komunidade sira ne’ebé la asesu bee, bulletin media tour ne’e mak artigu sira ne’ebé Jornalista sira produs, husi televizaun, jornal no-mos website, ne’ebé halo intervista produs hamutuk media bulletin tour ne’e, Ita sei interega ba governu uza ba sira nia dadus oinsá buka solusaun ne’ebé di’ak atu responde ba problema sira ne’ebé komunidade hasoru iha area rurál,” Prezidente AJTL Maria Zevonia Vieira ba Jornalista sira iha salaun OXFAM Hudilaran 19/03/2025.
Iha entretantu Country Diretor Oxfam iha Timor Leste, Pankaj Anand mos haktuir papel media importante tanba impaktu negativu husi mudansa Klimátika ne’e rasik afeita tebes ba Timor Leste liu-liu ba grupu vulneravel iha areas remotas.
“Kona-ba servisu AJTL ninian tinan ne’e ikus AJTL halo servisu barak teb-tebes halo Kobertura munisipiu tolu inklui Raeoa, Timor Leste hanesan país ida ne’ebe demokrátiku papel media ne’e importante tebes, espera katak informasaun sira ne’ebé sira rekoilla iha bulletin ne’e bele sai hanesan informasaun importante, impaktu negativu husi mudansa klimátika ne’ebé afeita Ita nia grupu vulneravel, liu informasaun ne’e sei hetan barak liu iha bulletin ne’e liu husi istória oi-oin, impaktu negativu husi mudansa klimátika ne’e afeita tebes Timor Leste,”Nia afirima
Tuir nia iha tinan ne’e OXFAM-AJTL sei nafatin iha komitmentu hodi kontinua organiza jornalista hosi media nasional kontinua hala’o kobertura ba areas rurál sira hodi identifika istória feto foin sa’e, agrikultor ne’ebé moris iha rurál.
Nune’e mos, Spesial Enjoy Ambassador AT large for Climate Chance, Adão Soares Barbosa, mos reforsa hateten katak rezultadu ne’ebé jornalista hala’o kobertura iha baze bele lori ba estadu atu bele fo atensaun
“Lansamemtu ohin ne’e kapas loos atu bele konsidera oinsá ita promove justisa klimátika iha nivel hotu, felizmente ohin oportunidade ne’ebé di’ak ba ita programa ida ne’e ba públiku rezultadu ne’ebé kolega sira halo iha baze bele lori ba ema bo’ot sira atu bele fo atensaun ba buat sira ne’e hotu,” nia sublina.
Entretantu, iha tinan 2024 hala’o ona media tour ba munisipiu tolu mak hanesan Lautem, Ermera, Baucau, inklui Raeoa no iha tinan 2025 ne’e sei iha tan planu ba munisípiu eluk liu-liu iha area rurál sira, iha lansamemtu Bulletin ne’e partisipa mos husi, Prezidente Conselho lmprensa (CI) Otélio Óte ho Diretor FONGTIL Valentin da Costa.
Jornalista : Maria Jose/moises Guterres
Editor : Agapito de Deus
