Lafaek News—Ministériu Solidariedade Sosial no Inkluzaun, sesta 17/03/2025, asina akordu ho Instituisaun Solidariedade Sosial hamutuk 38 ba tinan 2025 nian hodi kontinua fo atendimentu ba ema ho defisiénsia no defisiénsia mental sira iha Timor Leste.
Iha biban ne’e Ministra Solidaridade Sosial, Verónica das Dores haktuir MSSI ninia papel nafatin servisu hamutuk ho sentru komunitaria sira hodi fo akonselamentu ba labarik feto sira no mos ema boot inklui ema ho difesensia sira,
“Barak iha Dili laran, maibé familia la suporta ami entun ami labele halo buat ida, fatin ba ema moras mental la sufisiente liu, maibé natoon hanesan Laclubar, Tibar, hospital sira ne’e hotu ba ema moras mental, ba osan sufisiente ou lae ne’e tenki bazeia ba plafon ne’ebe estadu fo no ami nia ema sira sei ba haree sira husi instituisaun indenpente sira halo tuir duni regulamentu ne’ebe estabelese ou lae,” MSSI Verónica das Dores afirma.
Iha fatin hanesan, Irmãn Noemia B.D. Magalhães FMA hanesan pontu fokal finansas orfanatu agradese ba governu tanba bele atribui orsamentu ho montante $ 282.147,86, ba orfanatu hodi bele uza ba nesesidades labarik orfonatu oan sira.
“Estadu ne’ebe la hanoin de’it ema boot sira, maibe hanoin too orfanatu sira bele fo ajuda labarik sira asesu buat hotu, orsamentu ne’ebe sira (MSSI) fo la’os katak bele kobre hotu ba nesesidade, maibe agradese tebes tanba bele ajuda fo tulun,” Irmãn Noemia argumenta.
Entretantu, rezultado avaliasaun proposta (ISS ) tinan 2025, grupu traballador mak hanesan MSSI rasik, PDHJ, FONGTIL, GASC, INDICA, no GIA-MSSI tipu proposta ba tinan 2025 nian mak Uma Mahun total proposta 9, ho total orsamentu $509,967.65, Orfonatu total proposta 6 total orsamentu $282,14786, Sentru Komunitaria total proposta 11, total orsamentu $ 660,233.68, area difesiensia total proposta 12 orsamentu $547.65082, proposta 38.
Jornalista : Maria José
Editor : Agapito de Deus
