Lafaek News–Padre selebrante parokia Zumalai, Aniceto Maia da Silva, fo hanoi katak aifunan ne’ebe la fo bensaun hosi Nai-lulik sira signifika matebian sira sei la konsdeira hodi simu aifunan husi familia.
“Halo bensaun ba Ai-Funan ho lilin signifika ita bensa ba ita nia matebian sira no ita sala nain, maibe ita la hatene maromak nia laran luak tan maromak perdua ema la ho rajaun,” dehan Padre Paroquia Zumalai Aniceto Maia ba Lafaek News iha Igreza Zumalai, Covalima, tersa 02/11/2021.
Padre Aniceto esplika, ema moris hasa’e orasaun ba matebian atu sira nafatin moris ho orasaun, tanba ema hotu maromak nia kriasaun.
Ita neebe selebra hela misa ba matebian sira tan ita nia peregrinasaun iha mundu ida nee maromak seidauk deside ita nia moris nia rohan tan nee Bainhira ita Halo buat diak, mak sei hetan rahun diak tan buat neebe ita iha tenke fahe ba O maluk sira hanesan halo karidade ho asaun domin,” Aniceto deklara.
Bainhira ema ida hases aan husi peregrinasaun moris ida-idak tenke responsavel ninia asaun ne’ebe nia halo durante sei moris, tanba ema ida sei la sai responsavel ba ema seluk nia moris tan ne’e ema hotu loke fuan hodi halo solidariedade ba maluk ne’ebe hetan susar.
Ita sira iha mundu ida nee hanesan kanidadu ba matebian no Moris nee preparasaun ida ba mate tanba mate mos maromak mak kria tan nee aperegrinasaun ita ema nian tenke dignifika moris uza hahalok laran kmaus, laran diak, pasiensia, no domin ba ema hotu hodi valoriza ema seluk nia peregrinasaun moris,” nia esplika.
Observasaun Jornalista Lafaek News nian iha terenu nota katak, sarani sira maioria partisipa iha misa ne’e no mos amu sira halo misa iha Suku Zulo, Lepo no mos suku seluk iha postu Zumalai hodi fo bensaun ba Ai-Funan ho lilin ne’ebe sarani sira prepara ona atu ba kari iha matebian nia rate.
Jornalista : Orlando Magno
Editor : Agapito de Deus
