Lafaek News— Ahi han mutuk loja Xinezas rua iha munisípiu Ainaro deskonfia labarik sira halimar ahi iha uma laran, iha akontesimentu ne’e komunidade lakon fiar ba ekipa bombeirus munisipiu Ainaru tanba labele kombate insendiu ne’e.
Kronolojia husi akontesimentu ne’e, mosu iha loron 28 fulan Novembru 2023, oras 07:35 Htl, iha munisipiu Ainaru, molok ahi lakan iha loja laran, antes iha minute 30 liu ba deskonfia labarik sira halimar hela ahi iha loja laran.
manajer ba loja refere, Angelino de Araújo, mos haktuir deskonfia labarik halimar ahi iha loja, hodi rezulta ahi han mosu iha uma laran hodi han motuk sasan loja iha uma laran la konsege salva.
“Manajer loja Kelu-keke Angelino de Araújo, haktuir katak,Iha dader oras 07:35 hanesan ne’e hau mai atu loke loja derepenti hetan ahi suar makas husi kotuk parte armajen nian. tuir istória akontese ahin han deskomfia labarik halimar ahi iha loja laran, hodi rezulta loja rua ahi han motuk no sasan sira ne’ebe maka ahi han kuaze miliaun rua hanesan ne’e” haktuir Angelino ba lian Orluli, bainhira komfirma kronolozia husi akontesementu iha fatin Mekado lama municipio Ainaro Villa.
Husi akontesimentu ne’e, Bombeiros munisipiu Ainaro halo kedas intervensaun, maibé labele salva hotu sasan hotu iha loja laran, tuir sasin balun katak bombeirus rega ladun kontroladu.
Akontesimentu refere dada antesaun tebes husi komunidade sira ne’ebé atu partisipa iha komemorasaun loron proklamasaun independénsia 28 de Novembru ba dala 48, iha munisípiu Ainaro, nune’e populasaun sira hobur hodi haree inséndiu refere.
Komunidade Konsidera Membru Bombeirus Ainaru La Susesu kombate Inséndiu Iha Vila-Laran
Akontese inséndiu iha loron Proklamasaun, rejulta Loja rua no armagen ida ahi han motuk inklui sasan uma laran la salva, no hetan atuasaun husi membru Bombeirus tarde, tanba ne’e komunidade kunsidera membrus Bombeirus Ainaro sedauk Profesionál
Lia hirak ne’e hato’o husi Sanca de Araújo ba jornalista Lian Orluli katak, Bainhira akontese inséndiu ne’e membru Bombeiru sira halo atuasaun tarde no la hare’e kauza husi ahi ne’e mai husi ne’ebe, hafoin halo intervensaun, tanba la bazeia ba akontesimnetu iha terenu, halo atuasaun insendiau la tuir ahi ne’ebe lakan, ikus mai rejulta loja rua no armazen ida ahi han motuk
“Tuir lolos loza kelu-keke Ahi lahan tamba hare ba loja FCN Ahi-han husi parte Armagen nian, membru Bombeiros mai rega fali iha loja nia oin ne’ebe maka Ahi seidauk han makas no laba hare ahi lakan makas husi Armagen FCN nian, hafoin rega iha loja FCN oin Bombeiros nia be’e Tanki kareta nian hotu, bainhira sira ba buka bee atu ense fali, ahi kontinua han hadae’t ba loja kelu-keke ne’e,” Sanca fo sasin iha nia kioske, vinjinho ho loza rua ahi han
Nune’e nia hatutan senti triste tebes ho atuasaun insediu ne’e, tanba ne’e nia parte kunsidera membru Bombeiru sira halo atuasaun iha terenu sedauk ho profesionál, maske sira hetan ona treinamentu.
“Foin maka mai rega deit iha loja ida be’e maran, no laba hare ahi ne’e mosu husi ne’ebe, no tuir ami nia hare, iha oras dader 05:00 sira rega be’e iha Estrada Protocolo nian, bainhira akontese Insediu hanesan ne’e be’e tanki kareta Bombeiros menus fali, no deskomfia sedauk ense be’e ba iha tanki kareta nian, tanbane’e bainhira akontese inséndiu ne’e sira labele halo atusaun ho diak hodi kombate ahi ne’ebe maka lakan makas, tamba ne’e ami triste uitoa, no konsidera membru sira sedauk profesional,” Sanca Preokupa
Relasiona ho prokupasaun komunidade sira nian, Komandante Autoridade Protesaun Civíl Sarjentu Sefe Polisia, Afonso da Silva, rekoñese failansu sira ne’ebé akontese tanba sei menus iha fasilidade
“Relasiona ho Akontesimentu iha selebrasaun loron Proklamasaun da independensia ba dala 48 iha resintu Ainaro vila, akontese inséndiu iha merkadu antiga, rezulta loza rua ahi han motuk komunidade barak maka asiste diretamente bainhira akontese ahi han loza rua refere, no kunsidera preokupasaun sira hotu iha atuasaun membru Bombeirus nian iha terenu, hau rekonhese katak parte Bombeiru sei menus iha Fasilidade, tanba ne’e bainhira akontese insendeiu ahi ho eskala boot hanesan ne’e kareta rua deit labele responde ahi ne’ebe ho eskala boot, hare’e ba iha tekníka tenki rua ne’e labele halo atusaun bainhira akontese indensiu iha merkadu ka fatin loza boot sira, tanba karte rua ne’e ida ense deit be’e 5000 Litrus no ida seluk 4000 Litrus, labele hamate ahi iha loza ne’ebe maka faan sasan nakonu ho kontaminasaun, ho hare ba ahi ne’ebe makas iha loza rua ne’e nia husu bee tenki rihun Rua Nulu litrus mak foin bele hamate ahi ho eskala boot,” Sarjentu sefe Polisia Afonsu , Esplika iha nia kanar fatin.
Komandate ne’e rejeita banihra komunidade anota membru Bombeiros sira halo servisu la ho profesional, tanba ne’e nia responde katak liafuan sira ne’e hotu la lo’os tanba komunidade la hatene servisu Bombeiru nia iha terenu.
“Bombeiros kombate ahi la ho profisional, ne’e lalos Bombeiros tuir orentasaun ou matan dalan Bombeiros nian wainhira iha Insediu ruma kuandu akontese iha Munisipiu iha kualker Suku informasaun antes 5 menitus, tenki relata imformasaun ne’e ba iha Autoridade Protesaun sivíl ou ba iha ekipa Bombeiros atu nune’e sira kombate ho rapídamente,” nia rejeita
Autoridade Protesaun Sivíl ne’e rekomenda ba Autoridade Munisípiu Ainaro, konstrui tanki boot iha vila laran, prepara ba futuru bainhira akontese insediu, ekipa Bombeiru labele ba buka fali bee, nia hakotu.
Relasiona ho Inséndiu ne’ebe akontese hafoin ekipa husi Bombeirus hamate ona ahi,Tuir observasaun husi lian Orluli nota, Estudante sira husi eskola Sekundária Eskola Katólika Santa Maria Ainaro organija husi Diretúr da Eskola ho solidaridade halo limpeza iha loza rua refere.
Ekipa Kobertura : Lian Orluli
Editor : Agapito de Deus
