LafaekNews-Relasiona ho estementu ne’ebé máka fó sai husi deputada Olinda Guterres, ne’ebé hasai stetmentu no temi liafuan ‘matan delek’, ho nune’e Asosiasaun Halibur Defisiénsia Matan Timor-Leste,(AHDMTL) kondena makaas liafuan matan delek tanba linguazen ne’e ofende dignidade umanu defisiénte
Asuntu ne’e hato’o husi diretór ezekutivu AHDMTL, Gaspar Afonso, liu husi komferensia Imprensa iha Forum Organizasaun Noun Governamental Timor-Leste(FONGTIL), ba jornalista sira iha salaun konferensia imprensa FONGTIL Kaikoli ,Dili segunda-feira (09/07/2021). hodi husu ba deputada Olinda Guterres atu fó sai estetmentu ruma tenki tetu no analiza didi’ak tanba termu ne’ebé loos la’os
“Ami husu ba distintas deputada Olinda Guterres uainhira ko’alia ka fó sai estetmentu ruma tenki análiza uluk no tetu, tanba terminologia ‘matak delek’ ne’ebé loos konsagra ona iha ita nia konstituisaun RDTL artigo 21 mensiona katak, sidadaun defisiénsia, la’os sidadaun matan delek,” lamenta diretór ezekutivu AHDMTL, Gaspar afonso,
Nia sujere ba reprezentante sira povu iha uma fukun parlamentu nasionál presiza sukat no tenki respeitu ema seluk nia direitu no labele diskrimina ema ho defisiénsia hodi hasai linguazen ne’ebé ofende defisénsia sira nia dignidade.
“Hanesan reprezentante povu iha uma fukun parlamentu nasionál tenki respeitu ema seluk nia direitu no labele diskrimina ema ho defisiénsia no hasai linguazen ne’ebé hodi ofende fali ami defisiénsia nia fuan,“ nia esklarese.
Antes ne’e video ne’ebé deputada Olinda Guteres hateten kona-ba terminolojia ‘matan delek’ no ko’alia kona-ba komparasaun prezidente Indonezia nian Gusdur ho prezidente partidu KHUNTO.
Joranlista : manuel andrade
Asisten Editór :Egidio Nono
