Lafaek News–Prezidente Asosiasaun Feto Hamutuk ba Dezenvolvementu Kova-lima (AFEHC’D) hasoru malu ho Prezidente Asosiasaun Halibur Feto Kova-lima (AHFKL), hodi kolia konaba programa sira nebe implementa ona iha suku Matai, postu administrativu Maucatar, Munisipiu Covalima.
Prezidente AFEHC’D, Fatima Amaral, hateten, objetivu fundamental hasoru malu ho Asosiasaun Halibur Feto Kova-lima, atu aprezenta programa no Informa Konaba existensia Asosiasaun ne Iha postu Maucatar espesifiku iha suku Matai.
“Ami mai aliende aprezenta programa ami mos uza oportunidade ne hodi Kria kooperasaun servisu ho Asosiasaun halibur Feto Kova-lima hodi Apoiu Feto maluk sira iha Ami Nia suku laran,” nia dehan, iha Salele, Kinta (23/07)
Nia hateten, antes mai hasoru prezidente AHFKL, konsege Hasoru malu ona ho pontu fokal SEII nian.
Fatima hatete, tanba Asosiasaun ne foin maka estabelese iha tinan kotuk, entaun agora Asosiasaun sei fo prioridade Liu ba aktividade habelar programa nebe asosiasaun iha ba parte relevante sira.
Iha Fatin hanesan, Prezidente AHFKL Maria Fatima,Sente kontente tanba bele hetan vizita hosi prezidente AFEHC’D. Iha surumutu ne AFEHC’D aprezenta sira nia programa liga ba Apoiu Feto sira iha area rurais.
Tuir nia, AHFKL bele servisu hamutuk ho AFEHC’D no SEII hodi implementa programa nebe maka diak Liu tan Iha futuru.
“Ami sente kontente tanba Asosiasaun Halibur Feto Kova-lima bele servisu hamutuk ho Sira hodi implementa programa iha area rurais sira” Nia dehan.
Antes hakotu, Maria Apresia, tanba AFEHC’D ninia objetivu, vizaun no misaun hanesan, hodi hakbiit ekonomia feto iha area rurais.
Jornalista : Venidora Oliveira
