Lafaek News—Orgaun Konsellu Imprnesa Timor Leste (CI-TL- sigla-Portugés), servisu hamutuk ho ABC Internasional Development Australia hodi fahe Informasaun kona-ba oinsá atu nafatin seguru iha online ho velosidade aumenta.
Iha abertura formasaun, diretor ezekutivu Konsellu Imprensa, Antonio Dias afirma, husu jornalista sira atu aproveita oportunidade ne’e ho di’ak nune’e bele hetan esperiensia foun husi formasaun ne’e oinsá bele asegura jornalista ninia-an ho sosiedade em jeral ho di’ak.
“Ohin Ita hamutuk iha ne’e ho tópiku importante tebes, Ita kuidadu ita nia an no kuidadu sosiadade Timor Leste tanba ne’e uza oportunidade ne ho diak no ABC ne’ebe liu mana Nicolle lori mai Timor Leste treinamentu ida ne’e loron balu de’it loron balu ne’e efeitu ba Jornalista no sosiadade nian no aprende hodi fahe fali ba Ita nia kolega Jornalista sira, hodi Jornalista sira ne’ebe mate ona ne’e nia naran loke abertura Ida nee”Hateten Diretor Ezekutivu Konsellu lmprensa, Antonio Dias, bainhira loke abertura Iha dia 6 de Marco 2025 iha salaun City 8 Manleuana Dili
Iha fatin hanesan, formadora hosi ABC, Nicolle white hateten, formasaun ida ne’e atu hadia abilidade Jornalista sira nian no fornese informasaun ne’ebe kualidade
“ABC internasional Developmen ne’ebe servisu hamutuk ona ho Konsellu lmprensa tinan Rua ona no Ami halo ona formasaun ho tópiku diferente iha Timor hanesan iha Baucau, Oecusse, Balibo no mos horseik halo iha Maubise, Konsellu lmprensa hakarak tebes hadia ablidade Jornalista Sira nian fornese informasaun ne’ebe kualidade ba Ita nia audénsia sira,Hau Senti kontenty tebes tanba bele fahe fali esperensia Sira iha Australia no Timor Leste, oinsa fahe esperensia ba Jornalista Timor-oan sira atu haree ba media sosial no Dijitál no oinsá Jornalista sira bele proteje sira-an iha era ida agora no bele fornese informasaun ne’ebe imparsial ba Audénsia sira,” Nicolle sublina.
Nune mos Nicolle white ABC international Development Australia ne’e salienta katak ABC international Development ne’ebe servisu hamutuk ho Konsellu lmprensa tinan 2 ona, no sira mos halo ona formasaun iha munisípiu Sira, ne’ebe ho topi ko diferensia mak hanesan munisípiu Baucau, Oe-Cusse, Balibo, no mos Ainaro, no-mos iha formasaun ne’e hetan mos akompañia husi Diretor DADM, Alberico da Costa Junior no nia mos fahe esperensia kona-ba Kode étika Jornalista nian.
Jornalista : Maria Jose
Editor : Agapito de Deus
