NOTÍSIA JERÁL · 8 Mar 2021 05:53 ·

Aban Governu Aplika Serka Sanitária Munisípiu Dili Durante Loron Hitu


Aban Governu Aplika Serka Sanitária Munisípiu Dili Durante Loron Hitu Perbesar

Lafaek News—Governu liu husi reuniaun Konsellu Ministru (KM), ohin hala’o enkontru hodi deside hahú aban tersa (09/03/2) sei tama iha vigór serka sanitáriu no konfinamentu obrigatóriu iha munisípiu Dili durante loron hitu (7), hahú husi orsida kalan orás 00:00 to’o loron 15 fulan marsu oras 11:59.

“Hahú aban sei tama iha vigór serka sanitáriu iha Dili to’o loron 15 fulan Marsu, tanba serka sanitáriu durante loron hitu, depois de loron hitu mak sei haree fali sei iha nesesidade atu kontinua ka la’e, maibé iha loron hitu nia laran ho serka sanitáriu ida ne’e sei bandu atu labele sai husi munisípiu Dili, sira ne’ebé atu sai husi munisípiu Dili ba munisípiu sira seluk karik, só sira ne’ebé lori ai-moruk emerjénsia sira no sira ne’ebé hetan autorizasaun husi Ministériu Interiór no Sentru Integradu Jestaun Krize (SIJK),” dehan MPKM Fidelis Magalhães hafoin remata enkontru KM iha sala Auditóriu Finansas Aitarak laran Dili, (08/03/21).

Governante mos informa, sidadaun sira seluk ne’ebé da-daun iha munisípiu seluk rezidénsia iha Dili, sira bele tama fali mai Dili, maibé tenke relata kedan ba Sentru Integradu Jestaun Krize.

“Ámbitu ida ne’e mós Konsellu Ministru implementa konfinamentu obrigatóriu iha ita nia munisípiu Dili, aleinde ne’e sidadaun sira la autoriza atu halo atividade sira hanesan, kulturais, relijiosas no seluk tan nune’e mós la autoriza atu sai husi hela fatin ba fatin públiku sira laiha nesesidade urjente ruma, neduni atividade hotu sei paradu iha loron hitu nia laran,” Fidelis fundamenta.

ikus liu governante afirma medida hirak ne’e hatu’ur tuir rezolusaun Konsellu Ministru (KM) katak serka sanitáriu no konfinamentu obrigatóriu, ida ne’e vale ka aplika de’it iha munisípiu Dili, Ataúro no Metinaru, aleinde munisípiu sira seluk movimenntsaun normál maibé tenke kumpri nafatin medidas husi Estadu Emerjénsia nian.

 

Jornalista             : Juvita dos Santos

Asisten Editór     : Pedro de Almeida

2,154 Views
Artikel ini telah dibaca 33 kali

badge-check

Editor

Baca Lainnya

CNC!I.P Loke Seminariu Introdusaun Istoria Prezervasaub Povu TL

5 July 2024 - 18:39

FONGTIL Haforsa Kna’ar Sosiedade Sivil iha Dezenvolvimentu Nasional

5 July 2024 - 18:12

APC Kontinua rejista Uma Kain 19 Estraga Husi Dezastre Naturais    

24 June 2024 - 14:22

Guarda Floresta Foun Hamutuk 807 Sei Asina Kontratu Asegura Ailaran

1 April 2024 - 15:41

Uma Kain 72 Hetan Estragus Hosi Dezastre Naturais iha Semana Ne’e

25 March 2024 - 17:21

CVTL Ensera Treinamentu Primeira Sokorru Durante Loron 3 Ba Jornalista TL

24 March 2024 - 13:28

Trending di NOTÍSIA JERÁL