Lafaek News—Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, liu husi komferénsia imprensa iha Sentru Intergadu Jestaun Krije, Sala Situasaun (SIJK-SS), informa detetadu tan kazu moderadu nain 1, no pasiente baixa iha izolmentu Vera-Kruz sa’e ba nain 2 ho kondisaun ne’ebé estável.
“Ohin iha tan kazu detetadu ho kategoria moderadu baixa iha izolamentu Vera Cruz, ho comorbidade stroke & uncontroled high blood pressure. Hamutuk hotu iha kazu moderadu nain 2 iha Vera Cruz. Por enkuanto, kondisaun estável,” hatete Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo, Sabadu, (10/04/2021).
Portavoz ne’e relata iha loron 10 de Abril deteta kazu foun 54 iha munisípiu Dili, Nune’e, kazu detetadu ka pozitivu iha Munisípiu Dili husi loron 7 fulan Marsu 2021, to’o ohin, 10 de Abril de 2021, total 796.
Koordenadór hatutan, ohin iha Munisípiu Bobonaro deteta kazu foun 1. Kazu ida ne’e halo viajen husi Dili iha dia 6 de Abril, no mós iha Munsípiu Covalima deteta tan kazu pozitivu 1. Kazu pozitivu hirak ne’e halo viajen husi Dili iha dia 3 de Abril de 2021, inklui iha Munisípiu Lautem deteta tan kazu pozitivu 5. Kazu hirak ne’e, halo viajen husi Dili.
“Dadus jerál iha Timor-Leste kazu detetatu foun iha dia 10 Abril 2021: 61 (54 iha Dili, 7 iha Munisípiu sira seluk) husi total kazu detetadu foun ohin: mane 30, feto 31, kazu detetadu foun ohin: sintomatiku nain 2, asintomátiku nain 59,” nia informa.
Nia dehan, total kazu ativu ohin sa’e ba 531 no rekuperadu iha 45, nune’e husi horiseik mai ohin hamutuk hotu LNS halo 1021 testes PCR, inklui 519 testes ba ema ne’ebé halo pedidu atu hetan autorizasaun esepsionál hodi sai husi serka sanitária iha Munisípiu Dili.
Ligadu ho númeru pozitivu ne’ebe sa’e makas, Ruia Maria Araujo kontinua apela ba populasaun Timor-Leste, liu-liu iha Dili no munisipiu sira seluk ne’ebé afetadu ho inundasaun iha loron hirak ne’e nia laran, ba sira ne’ebé lakon uma, sasan no hela fatin, no tenki evakua ba fatin públiku sira, halo favor nafatin uza meius hotu ne’ebé iha atu hado’ok-an husi kontájiu moras Covid-19, l uza maskara, no faze liman beibeik ho sabaun ka dezintetante ruma.
Jornalista : Sandi Belo
Asisten Editór : Pedro de Almeida
