Lafaek News (Ermera)—populasaun husi aldeia haat (4), parte suku Haupu, postu administrative Letefoho, munisipiu Ermera kompostu husi aldeia ASSI, Manukati-Leten, Hatuhou, no Hauleun Husi Suku Haupu Postu laiha eletrisidade too ohin loron.
Xefe Suku Haupu Eujebio Alcino Maia hafoin remata formasaun fasilita husi Instituto Nasionál Defeza (IND), Iha Centro Convensoens Dìli (CCD), Kuarta 23/12/2020, Informa ba katak, preokupasuan sira ne’ebè mak Komunidade sira hasoru mak estrada, eletrisidade no bee moos.
“Kona-bà Eletrisidade iha suku refere iha aldeia haat hanesna ASSi, Manukati-Leten, Hatuhou no Hauleun mak seidauk asesu ba Eletrisidade , Aldeia sira seluk hetan ona, maibè iha aldeia haat ne’e mak seidauk, Informa lider komunitáriu ne’e.
Nia subliña liga problema hirak ne’e mak komunidade kestiona, maski governu tau ona prioridade ba eletrisidade no bee moos, maibè buat hotu- hotu seidauk bele to’o area rural ne’ebé hasoru problema hirak ne’e.
“Kona-ba bee mòs ha’u hanoin maioria hetan bee moos, ida mak estrada ladun di’ak tanba ne’e ita presiza mòs estadu tau matan,” Salienta Nia.
Nia parte deklara,kona-ba preukupasaun komunidade husi aldeia 4 ne’e liga Estrada ho bee moos inklui eletrisodade, nia parte hato’o ona proposta ba governu, maybe to’o agora seidauk hetan resposta husi governu.
Entretantu iha suku refere iha aldeia 12, iha aldeia 8 hetan naroman, falta Aldeia 4 mak seidauk, xefe familia hamutuk rihun ida, atus ida ruanulu resin neen (1.126), populasaun hamutuk rihun neen atus tolu walu-nulu resin sia (1.389) husi suku refere.
Jornalista : João da Costa Soares
Editora : Nelya Barros
