Lafaek News—Sekretaria Estadu Komunikasaun Sosiál (SECOMS) Expedito Dias Ximenes hatoo apresiasaun ba Assosiasaun Jornalista Timor Leste, ne’;ebé organiza jornalista sira hodi tuun direta ba area rural atu bele halo kobertura ligadu ho nesesidade moris povu kiik iha baze.
“Jornalizmu ida-ne’e fó benefísiu ba ita-boot sira no mós ba kolega sira iha área rurál. Governu nia intensaun hanesan mós ho ita-boot sira, oinsá mak bele hasa’e no hadi’a povu sira-nia moris. Jornalista sira sai hanesan meiu importante atu transmite realidade moris povu nian ba públiku,” dehan Expedito Dias Ximenes iha despedida ho prezidente asosiasaun jornalista sira no jornalista sira iha Palásiu Governu, kuarta-feira, 30/09/2026.
Expedito kompromete Governu sei kontinua sai parseiru ba asosiasaun jornalista sira, maske apoiu orsamentál sei limitadu, maibé governu sei respeita no la intervén iha polítika editoriál, tanba responsabilidade ne’e pertense ba jornalista no órgaun mídia sira.
“Liberdade espresaun no liberdade imprensa tenke garante, no produtu jornalístiku tenke livre husi intervensaun polítika, podér no interese ekonómiku, atu bele mantein independénsia no imparsialidade iha servisu jornalístiku” Nia afirma.
Eis jornalista dehan katak preparasaun ba Loron Liberdade Imprensa, 16 Outubru, ne’ebé sei komemora liuhusi atividade ne’ebé Konsellu Imprensa Timor-Leste (KI-TL) hamutuk ho Governu.
Programa Media Tour bele aumenta jornalista sira-nia koñesimentu kona-ba dezenvolvimentu teknolojia, inklui Inteligénsia Artifisiál (AI), no dezafiu scam call center ne’ebé mosu iha Timor-Leste, Importánsia literásia dijitál ba joven sira, liuliu kona-ba uza mídia sosiál no plataforma dijitál ho responsabilidade no étika.
Prezidente AJTL, Zevonia Vieira esplika katak Media Tour ne’e hetan apoiu husi Governu liuhusi SECOMS atu hala’o atividade iha área fronteira, inklui Bobonaro, Covalima no Oe-Cusse, nu’udar parte husi komemorasaun Loron Liberdade Imprensa.
“Objetivu prinsipál programa ne’e mak atu promove liberdade imprensa liuhusi kobertura jornalístika ne’ebé hakbesik jornalista sira ba komunidade, liuliu iha área rurál no izoladu. Tamba ne’e AJTL sei tour ba Bobonaro durante loron tolu” Prezidente AJTL afirma
Nia mós haktuir katak, komunidade iha área fronteira no izoladu sira dala barak seidauk iha oportunidade sufisiente atu hato’o sira-nia preokupasaun kona-ba edukasaun, saúde no asesu ba informasaun. Tanba ne’e, jornalista sira sei halo kobertura kona-ba realidade no dezafiu sira ne’ebé komunidade enfrenta, hodi hato’o ba públiku no fó informasaun ba Estadu no Governu atu buka solusaun.
“Media Tour, AJTL sei hala’o sosializasaun kona-ba literasia dijitál ba joven, estudante no komunidade iha Munisípiu Bobonaro, ho objetivu atu hasa’e koñesimentu kona-ba seguransa dijitál no kombate misinformasaun no desinformasaun iha era dijitál” Zevonia Viera salienta.
Enkuantu, Prezidente UPJTL, Horácio Babo mós hateten katak jornalista sira sei desloka ba area rural sira atu vizita komunidade, halo kobertura ba atividade no problema sosiál iha área rurál, no hala’o sosializasaun kona-ba literasia mídia ba joven no komunidade.
Horácio mós hateten katak UPJTL sei hala’o Media Tour iha Oe-Cusse. Membru UPJTL na’in 10 husi plataforma mídia oioin sei viaja ba Oe-Cusse iha loron 5 Outubruatu vizita komunidade no hala’o sosializasaun kona-ba literasia mídia, no iha tempu hanesan halo kobertura ba problema sosiál sira iha área rurál.
“Programa ne’e mós nu’udar parte husi selebrasaun Loron Liberdade Imprensa ne’ebé sei komemora iha 16 Outubru,” dehan Horácio.
Atividade ne’e sei fó oportunidade ba jornalista sira atu hakbesik estudante no komunidade iha área rurál, hodi hatudu importánsia mídia ba joven sira no aumenta koñesimentu kona-ba papel mídia iha sosiedade.
Liu-husi programa Media Tour ne’e, Asosiasaun sira hetan finanseiru husi SECOMS, kada Asosiasaun hetan $5000 hodi fasilita jornalista sira ba area rural no fronteira atu hatene diretamente situasaun no realidade ne’ebé komunidade enfrenta, no hodi transforma realidade hirak-ne’e sai informasaun jornalístika ba públiku.
Jornalista: Gracia Soares
Lafaek News—Sekretaria Estadu Komunikasaun Sosiál (SECOMS) Expedito Dias Ximenes hatoo apresiasaun ba Assosiasaun Jornalista Timor Leste, ne’;ebé organiza jornalista sira hodi tuun direta ba area rural atu bele halo kobertura ligadu ho nesesidade moris povu kiik iha baze.
“Jornalizmu ida-ne’e fó benefísiu ba ita-boot sira no mós ba kolega sira iha área rurál. Governu nia intensaun hanesan mós ho ita-boot sira, oinsá mak bele hasa’e no hadi’a povu sira-nia moris. Jornalista sira sai hanesan meiu importante atu transmite realidade moris povu nian ba públiku,” dehan Expedito Dias Ximenes iha despedida ho prezidente asosiasaun jornalista sira no jornalista sira iha Palásiu Governu, kuarta-feira, 30/09/2026.
Expedito kompromete Governu sei kontinua sai parseiru ba asosiasaun jornalista sira, maske apoiu orsamentál sei limitadu, maibé governu sei respeita no la intervén iha polítika editoriál, tanba responsabilidade ne’e pertense ba jornalista no órgaun mídia sira.
“Liberdade espresaun no liberdade imprensa tenke garante, no produtu jornalístiku tenke livre husi intervensaun polítika, podér no interese ekonómiku, atu bele mantein independénsia no imparsialidade iha servisu jornalístiku” Nia afirma.
Eis jornalista dehan katak preparasaun ba Loron Liberdade Imprensa, 16 Outubru, ne’ebé sei komemora liuhusi atividade ne’ebé Konsellu Imprensa Timor-Leste (KI-TL) hamutuk ho Governu.
Programa Media Tour bele aumenta jornalista sira-nia koñesimentu kona-ba dezenvolvimentu teknolojia, inklui Inteligénsia Artifisiál (AI), no dezafiu scam call center ne’ebé mosu iha Timor-Leste, Importánsia literásia dijitál ba joven sira, liuliu kona-ba uza mídia sosiál no plataforma dijitál ho responsabilidade no étika.
Prezidente AJTL, Zevonia Vieira esplika katak Media Tour ne’e hetan apoiu husi Governu liuhusi SECOMS atu hala’o atividade iha área fronteira, inklui Bobonaro, Covalima no Oe-Cusse, nu’udar parte husi komemorasaun Loron Liberdade Imprensa.
“Objetivu prinsipál programa ne’e mak atu promove liberdade imprensa liuhusi kobertura jornalístika ne’ebé hakbesik jornalista sira ba komunidade, liuliu iha área rurál no izoladu. Tamba ne’e AJTL sei tour ba Bobonaro durante loron tolu” Prezidente AJTL afirma
Nia mós haktuir katak, komunidade iha área fronteira no izoladu sira dala barak seidauk iha oportunidade sufisiente atu hato’o sira-nia preokupasaun kona-ba edukasaun, saúde no asesu ba informasaun. Tanba ne’e, jornalista sira sei halo kobertura kona-ba realidade no dezafiu sira ne’ebé komunidade enfrenta, hodi hato’o ba públiku no fó informasaun ba Estadu no Governu atu buka solusaun.
“Media Tour, AJTL sei hala’o sosializasaun kona-ba literasia dijitál ba joven, estudante no komunidade iha Munisípiu Bobonaro, ho objetivu atu hasa’e koñesimentu kona-ba seguransa dijitál no kombate misinformasaun no desinformasaun iha era dijitál” Zevonia Viera salienta.
Enkuantu, Prezidente UPJTL, Horácio Babo mós hateten katak jornalista sira sei desloka ba area rural sira atu vizita komunidade, halo kobertura ba atividade no problema sosiál iha área rurál, no hala’o sosializasaun kona-ba literasia mídia ba joven no komunidade.
Horácio mós hateten katak UPJTL sei hala’o Media Tour iha Oe-Cusse. Membru UPJTL na’in 10 husi plataforma mídia oioin sei viaja ba Oe-Cusse iha loron 5 Outubruatu vizita komunidade no hala’o sosializasaun kona-ba literasia mídia, no iha tempu hanesan halo kobertura ba problema sosiál sira iha área rurál.
“Programa ne’e mós nu’udar parte husi selebrasaun Loron Liberdade Imprensa ne’ebé sei komemora iha 16 Outubru,” dehan Horácio.
Atividade ne’e sei fó oportunidade ba jornalista sira atu hakbesik estudante no komunidade iha área rurál, hodi hatudu importánsia mídia ba joven sira no aumenta koñesimentu kona-ba papel mídia iha sosiedade.
Liu-husi programa Media Tour ne’e, Asosiasaun sira hetan finanseiru husi SECOMS, kada Asosiasaun hetan $5000 hodi fasilita jornalista sira ba area rural no fronteira atu hatene diretamente situasaun no realidade ne’ebé komunidade enfrenta, no hodi transforma realidade hirak-ne’e sai informasaun jornalístika ba públiku.
Jornalista: Gracia Soares
