Lafaek News—Assosiasaun Defisiénsia Timor Leste (ADTL) tersa 29/2026, realiza enkontru trimestrál ba dala 29, ho tema ” ADTL no membru hamutuk partilla servisu no aprende ba malu, hametin advokasia no ba ema ho defisiénsia.

Diretor Ezekitivu ADTL, Cesário da Silva esplika enkontru ba dala-29 ne’e atu hametin koordenasain entre ADTL ho nia membru sira, liu liu atu partilla esperiénsia, aprendizajen servisu ba ema ho difisiénsia inklui mekanizmu referrál ba servisu sira ne’ebé presiza.

“Organizasaun nia mekanismu enkontru trimestrál ne’e sai oportunidade  ba membru sira atu hasoru malu fahe esperiénsia no aprende kona-ba servisu ne’ebé sira hala’o no én-fase partilla esperiénsia prosesu aplikasaum visa-Australia, sondajen kona-ba esperiésia feto no labarik-feto ho difisiénsia iha kapital Dili, no mós mekanizmu referrál ba ema ho defisiénsia sira,” dehan Cesario iha salaun João Paulo Comoro kuarta semana ne’e.

Nia haktuir katak ADTL nia membru hamutuk 30 servisu ba ema ho tipu defisiénsia diferente, ho nune’e sira presiza fahe ideia no esperiénsia ba malu hodi bele ajuda ema ho defisiénsia, inklui prosesu hetan kartaun no dokumentu legál sira seluk.

“Ema ho defisiénsia sira presiza dokumentu hanesan sertidaun moris, kartaun eleitorál, Billete Identidade (BI) ka passaporte, tan ne’e enkontru ho membru sira importante atu bele halo referrál no ajuda maluk sira ne’ebé seidauk iha dokumentu legál” Diretor ADTL afirma.

Cesario dehan, iha Ministériu Justisa liu husi servisu notariadu iha posibilidade atu ajuda ema ho defisiénsia ne’ebé seidauk hetan sertidaun moris, iha balun seidauk hetan informasaun, membru ADTL bele ajuda  sira prepara deklarasaun iha autoridade lokál sira hodi suporta prosesu dokumentasaun.

Alem de diskusaun kona-ba dokumentasaun legál no referral, ADTL aprezenta mós rezultadu servisu iha fulan 3 liu ba, inklui formasaun ba membru organizasaun sira ne’ebe foku ba jestaun organizasional, no ADTL mós fo apoiu ba membru sira iha dezenvolvimentu no submisaun proposta, partisipasaun iha konsellu debate polítiku sira no atualizasaun kona-ba atividade advokasia iha nivel nasionál.

Iha enkontru trimestral ba dala 29 ne’e hetan partisipa husi Primeira Sekretaria embaixadór Austrália iha Timor Leste, ekipa DEFAT, Madre sira inklui organizasaun sefisiénsia sira hotu iha Timor Leste

Jornalista: Gracia Soares