Lafaek News—Xefe Departamentu Floresta Covalima, Domingos Gusmão, hateten iha loron 12/08/2026, parte floresta Prende Ai-Maran ret rua ne’ebé komunidade foti ho illegalmenta iha parte Labarai.
Tuir Xefe depertamentu ne’e, komunidade too agora sei kontinua foti ai-sunu sein iha Karta lisensa, enkuantu hosi parte floresta fahe bebeik ona informasaun ba komunidade, katak atu foti ai-sunu tenke hetan lisensa hosi parte floresta.
“foin dadauk semana tolu kotuk ba, ita halo prende ai-sunu ne’ebé sira tesi iha neba, iha estrada ibun, Ita konsege prende kareta ret rua,” Nia Informa ba Jornalista sira, iha Debus, Segunda (07/09/).
Floresta Covalima mos husu komunidade sira, ne’ebé hii ai-maran atu ba faan, bele, maibé tenke husu lisensa hodi guarda sira bele ba haree tuir ai sira ne’e loos ka la’e!, tanba iha ai balun proibidu atu taa.
“Loos duni ka la’e? , Ai sira ne’e iha toos laran ka, ai daak ka, Guarda tenke ba haree,” Nia hakotu.
Iha parte seluk, komunidade Suku Matai, Maria Assis iha kuñesimentu katak, wainhira atu ba hili ai atu faan, tenke ba husu lisensa.
“Sim uluk Ami hetan informasaun katak, labele naran taa ai arbiru,” Nia dehan.
Jornalista : Venidora Oliveira
