Lafaek News-Xefe Departamentu Floresta Covalima, Domingos Gusmão hateten, hahé hosi fulan Janeiro too fulan Agustu tinan ne, floresta CovaLima rekolla ona osan hamutuk $ 10. 524.75 sentavus ba kofre estadu.
Domingos esplika, osan hirak ne’e mai hosi komunidade ne’ebé koa Ai teka, Ai Kameli no ai kahur, Wainhira koa Ai hirak ne’e ba intensaun negósiu, entaun tenke selu tuir despaixu ministériu nian númeru 17/2011, katak, Ai teka huun ida $ 25.
“Sira ne’ebé hetan lisensa hosi diresaun Nasional, sira negósiu ne’e tenke selu,” Nia esplika.
xefe Floresta Civalima ne’e haktuir kuandu la husu lisensa Guarda Floresta iha Dever tenke Prende no aplika multa.
“Ai teka iha kategoria ai komersiál,” nia tenik.
Iha fatin seluk, Komunidade Suku Debus Tome Nunes apresia tebes ho servisu Guarda Floresta sira, tanba bele hatama osan ho montante barak ba kofre estadu hodi uza ba dezenvolve rai timor. ” Agradese tanba sira bele iha difikuldade oin-oin maibé sira bele servisu ho diak hodi hatama osan ba kofre estadu,” Nia hakotu.
Jornalista : Venidora Oliveira
