Lafaek News—Lider Nasional Rejisténsia nain lima kompostu husi Taur Matan Ruak, Lere Anan Timur, Falur Rate Laek, Filomeno Paixão no Francisco Guterres Lú Olo, halibur malu iha rezidénsia eis Primeiru-Ministru Taur Matan Ruak hodi diskute reforma instituisaun F-FDTL no prepara konseitu foun ba selebrasaun loron Falintil 20 Agostu 2026.
Iha reuniaun ne’e, Tenente Jenerál Farul Rate Laek hateten katak selebrasaun 20 Agostu tinan ida ne’e sei realiza ho diferensia oituan kompara ho tinan sira uluk.
“Ha’u mai husu sira nia opiniaun atu halo konseitu ba 20 de Agostu. 20 Agostu mak selebrasaun Loron Falintil nian. Tinan-tinan halo, maibé tinan ida ne’e halo diferensa oituan, kona-ba diferens prátika mak imi haree,” Farul Rate Laek ba Jornalista sira iha Rezidensia Taur Matan Ruak Faról Segunda 11/05/2025/.
Nia mos hatutan katak enkontru ida ne’e hanesan momentu ida atu veteranu sira halibur malu no konta fila-fali esperiénsia tempu luta nian.
“Uluk ha’u nunka hasoru sira, agora mai hasoru fali sira. Uluk ami toba hamutuk, han hamutuk, terus hamutuk iha udan laran. agora di’ak ona, fahe malu família no podér polítika. agora ami halibur malu fali, konta fali istória uluk nian,” nia dehan.
Eis guerilleru nain lima ne’ebé partisipa iha enkontru ne’e mak Taur Matan Ruak, Lere Anan Timur, Filomino Paixão, Francisco Guterres Lu-Olo no Farul Rate Laek.
Jornalista : Moisese Guterres
