Lafaek News—Trajédia 12 de Novembru 1991 Santa- Krus, sai nafatin lilin roman nian atu banati tuir joven lutador sira ne’ebé mate hosi liman kroat sira liman, tanba hakarak defende justisa no Liberdade totalidade ba rai lulik Timor.
Tinan ida ne’e, estadu Repúblika Demokrátika Timor Leste, komemora loron istoria masakre Santa-Kruz ba-dala 34, hamutuk ho mate-restu no sobrevivensia sira atu kontinua motiva foin sa’e feto ho mane sira iha era milenial ida hodi la’o tuir lutador loriku Awain sira ain fatin atu luta ba prosesu dezenvolvimentu.
Ho haksolok ho emosional hosi joven ida-idak iha fatin lulik Santa-Kruz, ema ida-idak hanoin fali ba situasaun impresionante moruk ne’ebe mosu liu on aba kotuk, iha tempu ne’eba obra Saudozu Max Sthal hafanu komunidade internasional sira-matan hateke ba Timor ne’ebe luta hela ba Liberdade no justisa, ohin Liberdade ne’e mosu iha ema hotu ninia matan atu bele hateke ba oin hodi defende Timor hosi kiak no mukit hanesan juventude Loriku Aswain sira see hirus matan hodi defende Ukun-Rasi A’an.
“Nudar joven ha’u sente kontente tebes tanba bele selebra loron istóriku ida ne’e, hanesan ita hatene katak loron ohin maka loron ida ne’ebe joven barak fakar sira nia ann fakar raan ate pronto mate tamba luta ba injustica no luta ba ita nia rain doben ida ne’e,mesmo tempo, hau hakarak hato hau nia parabens ba selebrasuan masakre Santa Kruz ba dala 34 ba ita hotu liu-liu ba Joven tude Timor Leste, lia menon ikus, sai joven nebe barani no matan moris neon nain iha ita nia moris tomak tamba ita mak futuro nacao nian,” Frecilia Maria António Barros hatun lia hirak ne’e ba Lafaek News iha Santa-Kruz, 12/11 2025.
Foin sa’e ne’e espresa, loron 12 de Novembru ba tinan ida ne’e fo hanoin hikas Joven no povu tomak hodi kontinua lembra no kondekora luta ne’ebé juventude rejisténsia hatudu ohin ema hotu sente Ukun Rasik-A’an
Fatin hanesan, Agrizoma Mendonca Lopes, hanesan mos Joven foin sae ida haktuir trajedia Santa-Krus fo hanoin ba joven ohin loron atu hateke ba passadu moruk ne’ebe Joven barak mak fakar ran hodi salva rai doben Timor hosi inimigu sira liman, tanba interese hakarak ukun Rasik A’an.
“Husu ba jerasaun foun atu kontinua hatutan obra ne’ebe sobrevivente sira husik hela ba Ita ho Lia Fuan Ida katak, ha’u Timor oan orgullu ho ha’u nia nasaun.
Observasaun lafaek news nota iha komemorasaun 12 Novembru ba tinan ne’e hetan partisipasaun direta hosi Eis Komandante Em Xefe das Falintil no Eis Prezidente Repúblika atual Primeiru Ministru IX Governu Konstitusional Kay Rala Xanana Gusmão, destintus deputadu Parlamentu Nasional, juventude Mate-Restu 12 Novembru komemora hamutuk ho inan-aman sira ne’ebe lakon oan feto no mane iha 12 Novembru 1991.
Jornalista : Maria José de Jesus
