Lafaek News—Inan-aman estudantes ho profesores Eskola Bázika Filiál VIII Hera kolabora ho inan-aman estudantes inklui professores sira kontribui osan hamutuk $ 1.350 ba komemora loron FALINTIL ba dala-50.
Iha eventu ne’e estudante EBF Hera hala’o mos atividade desportu hanesan dada-tali, tata-Berlindu no haksoit-Karoon iha ámbitu komemorasaun loron FALINTIL bad ala 50 ne’e.
Agustinha Almedia Jerónimo hanesan estudante V Ano (a) haktuir nia parte senti haksolok tebes tanba bele komemora loron FALINTIL hamutuk ho profesores sira inklui inan-aman iha sira-nia eskola.
“Ha’u senti kontete tanba atividade ida ne’e bele selebra hamutuk ho profesores sira ho Inan-aman sira atividade ami ho profesores sira hala’o mak hanesan tata berlindus, halai karon, dadatali Ami mos hasae bandeira nasional,” Agustinha ba Lafaek news iha EBS Hera Dili 20/08/2025.
Iha sorin seluk Konselleru inan-aman Antonio Lobo mos haktuir hanesan Inan aman sente ksolok no valor as hosi selebrasaun loron FALINTIL ba dala 50, Inan-aman nia parte mos apoiu ba escola refere hodi hala’o eventu ida ne’e no sei to ba eventu tuir mai hanesan 30 de Agostu.
“Eventu ne’e eventu planeadu ona husi sentru rasik diretor sentru konvida ami hanesan reprezentante inan-aman hola parte atu forma komisaun hodi selebra loron importante rua mak hanesan selebrasaun loron FALINTIL 20 de Agusto ba dala 50 nian, kontinua selebra ba iha konsulta popular 30 de Agostu,” António sublina.
António argumenta, prinsipio nudar inan-aman porntu buka solusaun ba eskola nia difikuldade, prontu kopera no kolabora iha ministério edukasaun liu husi diresaun munisípiu Dili, atu nune’e prepara oan sira nia future ho kualidade hodi kontinua lidera Timor Leste hanesan heroi sira ne’ebé fakar an no ruin hodi liberta patria, jerasaun foun tenke estuda atu liberta fali povu.
Diretór Jerál Eskola Báziku Sentral Hera, Manuel Pereira Soares, hatutan komemorasaun loron FALINTIL, loron especial ba estudante sira, tan ne’e hamutuk ho estudante no professores inklui inan-aman sira selebra ho atividade oin-oin.
“Loron ida ohin sai hanesan loron ida ne’ebe espesial ba estudante sira no povu tomak iha Timor-Leste, tanba loron ida ne’e heroi no FALINTIL sira mate nunee ita hirak ne’e selebra halo kontente no haksolok maske sira mate, maibe ita konteten haksolok nafatin, atividades ba loron ohin ninian hanesan dada tali, tata berlindus no halai karon, atividade 3 ne’e mak ami hahu ba iha loron ohin, atividade ne’e sei kontinua nafatin too iha dia 30 de Agusto,” Diretor Ensino Básiku Sentral Hera afirma.
Iha atividade ne’e la’os de’it iha escola Sentral Hera, inklui filiál 8 mak hanesan EBF hera, Mota-Kiik, Skanuno, Kadabunak, Ai Lelehun, Aidak-Behae no III Siklo.
Entertantu orsamentu ne’ebe Inan-aman no profesores sira kuntribui ba komisaun hamutuk rihun Ida Atus Tolu Limanulu, ($ 1350.00) gastus ona $ 700 no metade sei finaliza ba eventu seluk tuir mai hanesan selebrasaun loron konsulta popular 30 de Agostu, total estudante husi escola sentral hamutuk 787 no filial hamutuk 2.887.
Jornalista : Maria Jose de J./Jonaida Corte Real
