Lafaek News—Sekretaria Estadu Kooperativa (SEKoop) fasilita formasaun ba grupu kooperativa 7 iha Dili hodi transforma Bafo Kayrala sai prođutu oin-oin iha Timor Leste.
“Ita hatene setor kooperativa setor importante iha ekonomia Rai laran Liu-liu ekonomia povu Nia no ekonomia familia mai husi prođutu kooperativa Sira hanesan fontes rendimentu familia no hasa’e kresimentu iha ita nia rai laran, mandatu mai husi konstituisaun pilar tolu importante iha ita nia rai laran setor privadu setor públiku no setor kooperativa pilar tolu ne’e mak ai-rin ekonomia ita nia rai laran,” SEKoop Arsénio Pereira ba jornalista sira iha salaun Esperansa Delta Kinta, 12/06/2025/.
Hodi dehan, autor ekonomia sira mak kooperativa no movimentu kooperativa ho grupu produtor sira ne’ebé halo produsaun no rai osan hamutuk fo empresta ba ema no halo atividade ekonomia kafetária ida ne’e importante tebes atu hasa’e ekonomia iha rai-laran liu husi atividade ekonomia sira ne’e, IX Governu konstituisional lideradu Xanana Gusmão iha komitmentu boot ba setor kooperativa hotu oinsá dudu ekonomia iha area rural hahú husi familia no hasa’e ekonomia iha rai-laran iha mos hanoin ba futuru setor kooperativa fo kontribuisaun mínimu 2% ba GDP iha Timor Leste.
Governate ne’e husu ba membru kooperativa sira atu aproveita oportunidade ne’e ho di’ak atu nune’e formasaun remata bele produs Bafo Kayrala sai produtu ida faan ona iha merkadu
Iha fatin hanesan Diretora Diresaun Nasional de Promosaun Prođutu Kooperativa Ana Paula Fátima Magno, informa treinamentu ba membru Kooperativa Sira oinsa atu halo prosesamentu ba Bafo Kayrala sai ai han oi-oin ho nutrisaun di’ak fornese merkadu nasional no internasional iha territóriu tomak iha Timor Leste.
“Husu ba membru kooperativa sira aproveita treinamentu durante loron tolu ne’e ho di’ak simu materia ne’ebé teknik sira fo atu ba oin ita bele servisu hamutuk dezenvolve di’ak prođutu Bafo Kayrala iha Timor Leste no promove di’ak liu iha future,” Diretora DN-PPC Ana Paula ba jornalista sira.
Entratntu Kooperativa hitu (7) ne’ebé tuir formasaun kompostu Husi Kooperativa Cu-KFTL, CU MBX, CU-feto potensial, Dino Catering, Cu-Dadirah, CU-paun Moris no CU-emprededorismu.
Jornalista : Moises Guterres
