Lafaek News—Konsellu Imprensa no Assosiasaun Jornalista Timor Leste, sesta (23/05/2025), ofisialmente anúnsia prémiu kompetisaun ba media the best Balibo Five iha loron 16 fulan Outobru 2025.
Iha konferensia imprensa ne’e Prezidente Conselho lmprensa, KI Otélio Óte hateten Asosiasaun Jornalista Timor Leste intrega prémiu ba Konsellu lmprensa sai nain ba prémiu refere tanba AJTL ho KI konsiente katak prémiu ne’ebe maior tebes.
“KI anúnsia prémiu ba 2025 prémiu ida ne’e ami halo kada tinan sempre atribui iha loron liberdade imprensa iha 16 de Outobro, maibé iha espesialidade iha tinan ida ne’e, AJTL intrega prémiu Balibo five ba KI atu bele sai nain ba prémiu Balibo Five iha tinan ida ne’e, KI ho AJTL konsiente prémiu Balibo five as loos, tan ne’e nia fatin loos iha KI, tan ne’e ami konvida Jornalista sira atu hatama produtu jornalistiku ba komisaun,” Prezidente KI Otélio Óte ba Jornalista sira iha salaun KI Kintal bo’ot Dili 23/05/2025.
Entertantu ne’e mos Vise Sekretariu Jeral AJTL Acacio Pinto esklerese objetivu intrega prémiu Balibo five ba KI tanba prémiu naran Balibo five ne’e naran istóriku no estadu mak merese interega prémiu ne’e ba Jornalista.
“AJTL interega prémiu ho naran Balibo Five ba KI tanba naran Balibo five naran ne’ebe istoriku Estadu mak merese lori naran ne’e fo prémiu ba Jornalista sira atu valoriza obra sira nain lima, atu Timor Leste relasaun di’ak ho Autrália,” Acacio Pinto sublina.
Entretantu, anúnsia ba aplikasaun prémiu ba tinan ne’e hahu husi 23/05/2025 to 29/08/2025, ho kriteria Jornalista ne’ebe ativu no iha Karteira Professional, kartaun identidade husi media, kopia karteria profissional ne’ebe válido, Jornalista nia produtu, no meios Komunikasaun ne’ebe rejistu ona iha KI no Jornalista ne’ebe hetan ona prémio dala rua sei la autoriza atu aplika tan no tenki submete tuir kategoria prémiu sira, prémiu dahuluk Balio five no daruak Adelino Gomes ba reportajen Portugés di’ak liu, datoluk, Francisco Borges da Costa ba reportagen ne’ebe interasante umano nian, dahaat Greg Shackleton, ba Jornalista eletrónikaa no produtu jornalístiku diak liu, dalimak, Bernadino Gomes ba Jornalista ne’ebe foti imajen ne’ebe diak liu, no prémiu sira ne’e ho firma osan montante rihun ida atus lima to rihun rua.
Jornalista : Maria José
