Lafaek News—Diretor Assosiasaun Hak, sujere ba autoridade local sira atu involve ema ho defisiensia inklui komunidade LGBTI iha programa suku nian ahodi Evita diskriminasaun iha sosiedade.
Diretor Assosiasaun Hak hatoo asuntu ne’e iha seminariu ho tema direitu umanus no inkluzaun social iha Hak Farol Dili, 22/05/2025, oinsa atu konsensializa publiku atu bele hanoin kombate diskriminasaun hasoru ema ho defisiensia inklui komunidade LJBTI iha sosiedade Timor Leste.
“Servisu asuntu ida ba ema ho defisiénsia la’os organizasaun ema ho defisiénsia ho LGBTI de’it, ida ne’e hola parte iha estadu, ida ne’e disksaun sira hanesan ne’e dala barak ita hasoru iha ita nia familia uma laran, Ita ko’alia kona-ba asuntu defisiénsia ema dehan se moris hanesan ne’e tau todan ba iha inan sira rasik lakohi atu moris hanesan ne’e, tan ne’e familia sira tau atensaun no sosiadade mos tenki tau atensaun sira hanesan ne’e, inklui maluk LGBTI, ha’u sempre hateten ba autoridade local sira banhira iha programa iha ita bo’ot sira nia suku involve mos ho sira,” Diretor HAK Feliciano da Costa Araújo iha Salaun HAK iha nia diskursu iha seminariu ho tema direitu umanu no inkluzaun social salaun Hak, kinta (22/05/2-25).
Feliciano fundamenta atu social no inklzaun labele sai hanesan obstaklu ba estadu ida ne’e, organizasaun polítika ou partidu polítika sira ne’ebe manan maioria hodi lidera governu tenke iha obrigasaun fo atensaun másimu ba asuntu social no inkluzaun iha Timor Leste. ,
Iha fatin hanesan, Ministra Solidaridade Sosial no Inkluzaun, Verónica das Dores, argumenta nia parte oferese ona kareta kama ba maluk defisiensia fiziku sira ne’ebé toba de’it iha fatin.
“Ha’u mai ne’e atu fo prioridade ba ema ho defisiénsia atu sai lideransa no sai xefe, ne’ebe ba maluk ne’ebe iha uma sei hasoru difikuldade maibé defisiénsia ne’e momentu ami iha ministerio ami mos hala’o ona buat barak ba maluk defisiénsia sira ne’ebe labele la’o, ami halo hanesan kama kareta para sira nia familia dudu sai sira haree rai no bele mos envolve sira iha eventu ruma ne’ebe sira bele partisipa,” Governante ne’e haktuir.
Observasaun Lafaek News nota katak iha seminariu ne’e hetan apoiu hosi Plan Internasional, no partisipa hosi autoridade local no komunidade defisiensia sira, eventu ne’e la’o ho di’ak tanba hetan kolaborasaun di’ak tebes hosi ekipa tékniku eventu refere.
Jornalista : Maria Jose/Fátima Sarmento das Dores
