Lafaek News—Movimentu Tane a’as lian suku katrai-kraik (Motalis) Konsidera Xefe Suku-Katrai postu administrativu Letefoho, munisipiu Ermera kraik simu subornu husi Kompania CCECC hodi oferese Komunidade Nia fatuk ho gratuita.
Porta voz Motalis Albano de Deus Informa, MOTALIS Konsidera autoridade lokal ho konselu suku uza kompetensia autoritaria ne’ebe halo konkordánsia ho Kompania CCECC hodi oferese Komunidade nia fatuk ho gratuita.
“Ami husi Movimentu Tane A’as Lian Susku Katrai-Kraik ka MOTALIS hakarak denunsia ba públiku relasiona ho konkordansia ne’ebe mak autoridade lokal sira hanesan Administrador Postu Administrativu Letefoho ho Xefe Suku Katri-Kraik no membru konsellu do suku balun hala’o konkordansia ho kompañia CCECC iha loron 01 fulan Março tinan 2025 atu mai ke’e fatuk
Porta voz Motalis mos rekomenda ba ministeriu obras publiku iha munisipiu ermera presiza halo fiskalizasaun modelu desenvolvimentu Tamba Motalis Konsidera modelu desenvolvimentu Ida nee bele lori perigu ba Komunidade Sira iha suku katrai kraik.
“Rekomenda ba Obras públiku Munisipiu Ermera atu halo fiskalizasaun ba modelo dezemvolvimentu ida ne’ebe mak lori perigu ba komunidade liu husi kanal etetrisidade nessesario duni kale no Rekomenda ba empreza püblika Eletricidade EDTL Munisipiu Ermera imediatamente halo monitorizasaun ativu ba kompañia refere tamba halo alargamentu ba estrada sei lori risku wainhira udan bo’ot kanal eletrisidade sei monu no lori risku ba komunidade sira.
Rekomenda ba prezidente autoridade munisipio ermera toma responsabilidade atu xamada atensaun ba autoridade lokal hanesan administrador postu administartivu Letefoho no xefe suku Katrai-Kraik atu foti desizaun tenke analiza grau ba gravidades husi dezisaun ne’ebe la koerensia, Rekomenda ha orgaun reprezentate povu iha uma fuku Parlamentu Nasional liu liu ba komisaun ne’ebe tarata assunto ba infrasestrutura atu halo fiskalizasaun imediatamente ba akordo ne’ebe mak autoridade lokal sira halo ho kompañia hodi explora rekursus naturais hanesan fatuk ka (querry asdan) gratuitamente i la konkordansia maioria husi komunidade Sira.
Iha Fatin hanesan sekratariu Motalis Apolinario M. de Deus argumenta liután katak ejizensia neebe ami hato’o ba Autoridade lokal Sira la iha resposta ruma mak estudante no Komunidade suku Katrai-Kraik hato’o ona ba Ministériu Públiku no sei halo asaun pasífiku hasoru autoridade lokal sira.
Jornalista :Moises Guterres
