Lafaek News—IX Governu konstitusional liu husi Sekretaria Estadu Komunikasaun Sosial, sei aloka orsamentu ba dezenvolvimentu Rádiu Komunidade ho osan hamutuk $150.000.
Expedito Dias Ximenes hateten, iha tinan ne’e SEKOMS fo prioridade ba iha rádiu komuniadade hodi aloka orsamentu ba sira, tanba rádiu komuniadade lori benefisiu dezenvolvimentu nasaun no-mos fo sai informasaun husi nasaun seluk nina ba komunidade iha area rurais.
“Ohin Ha’u halo enkontru ho jestór rádiu komunidade husi munísipiu hotu halo avaliasaun ba orasamentu ne’ebé durante sekoms transferensia publikas oinsá halo konta ba responsablidade sira hato’o relatóriu avaliasaun tuir mai ami halo prozesaun ba atividade Rádiu Komunidade 2025, difikudade dezafiu ne’ebe sira hasoru no oportunidade ne’ebé sira hetan durante hala’o atividade jestór iha Rádiu Komunidade, IX Gorvernu Konstitusional iha programa tinan 5 ne’e fo atensaun makas ba iha rádiu komunidade, tanba rádiu komunidade ne’e sira mak kria rasik no sira mak hetan benefisiu rasik husi rádiu komunidade benefisiu ne’ebe sira hetan husi aldeia suku postu administarativu no munisipiu mak kona-ba imformasaun dezenvolvimentu munisípiu desenvolvimentu nasaun nomos akompana imformasaun husi nasaun seluk, tan ne’e mak nonu governu konstituisional tau importante hodi fo apoiu ba rádiu Komuniadade,Iha Tinan 2025 IX kostituisional gorvernu aloka osan 150.000 atu bele fo atensaun ba atividede iha rádiu komunidade no Ami sei transfer osan ne’e bainhira rádiu komunidade sira hato’o proposta mai Sekoms,” Expedito Dias Ximenes ba joranalista sira hafoin hala’o enkontru ho Jestór Rádiu Komuniadade sira iha salaun Fundasaun Alola Tersa 18/03/2025.
Nia argumenta sorumutu ohin atu fo hanoin ba jestór rádiu komuniadade orsamentu ne’ebé atu aloka ba sira bazea ba relatoriu Tamba nee Husu ba jestór sira atu halao atividade barak iha Rádiu.
“Reuniau Ida ohin halo oinsá sira atu komprende halo proposta i oinsá sira bele halo atividade, tanba osan ne’ebé transfere liu husi transferénsia públiku tenki bazea ba sira nia proposta, i sira nia proposta ne’ebé sira hato ne’e la’os atu atende hotu, maibé tenki iha kabementu ba Orsamentu ne’ebé atu aloka ba sira ne’e tenki bazea ba atividade prioridade urjénsia, atividade prioridade ne’e tékniku sira análiza mak foin aloka orsamentu ba,” Expedito esplika.
Expedito fundamenta liután Sekoms fo ona orientasaun ba jestór sira atu iha tinan 2025 rádiu komuniadade sira iha munisípiu hotu atu replay notísia husi Rttl iha rádiu no husu ba jestór sira halo programa espesial no notisia lian materna husi minisípiu refere.
Jornalista : Moises Guterres
Editor : Agapito de Deus
