Lafaek News—Sekretaria Estadu Ensinu Sekundaria Jeral no Ensinu Tékniku Vokasional (SEESJ-ETV), loke workshop nasional kona-ba utilizasaun iha eskola tékniku vokasional sira iha Timor Leste.
“Ohin ita lansa workshop ida ba utilizasasaun dizitalizasaun ba iha eskola Tékniku Vokasional, tan ne’e ohin diresaun nasional TekVok realiza hela eventu ne’e atu nune’e diretor eskola sira hotu no diretor nasional munisipal sira partisipa hotu nune’e rona diretamente palestra husi péritus kona-ba dizitalizasaun eskola, SEEJ-ESTV Domingos Lopes Lemos ba joranalista sira iha salaun Yan Martin Matadouru Dili, Kuarta 19/03/2025/.
Domingos salienta liután, polítika IX Governu Kostituisional sei kria website eskola nian no planu atu halo investimentu ba komputador no ekipamentus ne’ebé eskola presiza.
“Ita sei haree iu ba website eskola nian, tanba ezijénsia públiku eskola tékniku vokasional barak mak eziste, maibé sira la hatene prosesu andamentu eskola tékniku vokasional iha ita rai, tan ne’e IX governu nia polítika kria website eskola Nia atu nu’une halo promosaun ba sira nia eskola rasik,” Governante ne’e akresenta.
Iha fatin hanesan, Diretor Ezekutivu TIC-Timor,Venancio Pinto, esklarese atu implementa ida ne’e iha eskola tékniku vokasional sira, maibé presiza haluan infrastrutura.
“Ohin TIC-Timor atu mai partilla informasaun TIC nia papel la’os mai atu fo ona materia dizitalizasaun, maibé atu fahe informasaun kona-ba papel TIC nian, tanba TIC ho Edukasaun servisu hamutuk iha area barak ona, agora dezenvolve no diskusaun hela atu lori prosesu sira ne’e ba oin kona-ba ba dizitalizasaun, maibé Ita mos tenki haree ba infrastrutura,” Venancio esplika.
Joranalista : Moises Guterres
Editor. : Agapito de Deus
