Lafaek News—Juventude tenke matenek, kompetetivu no responsabilidade hodi ezerse papel fundamental iha prosesu konstrusaun estadu Timor Leste hodi kontribui harii paz no estabilidade iha sosiedade.
Asuntu ne’e hatoo husi reprezentante ONU iha Timor Leste, Patrícia Digiovania hafoin partisipa iha workshop Alumi Parlamentu Foin Sa’e Timor Leste, Segunda (05/08/2024), iha salaun Suai Room Timor Plaza kona-ba Alumi Parlamento Foin SAE Timor Leste, nudar organização foin sa’e nian ho nia vizaun, joven síviku saudável, krítiku kompetetivu, produtivu no orgullu nu’udar Timor oan, tinan ne’e APFTL servisu hamutuk ho The UN Resident Coordinator’s office iha Timor-Leste hodi realiza workshop Kona-ba pact of the future.
“Ha’u iha ne’e la’os representa UNICEF, maibé hanesan mós reprezenta UN ajénsia tomak, joven la’os de’it future, maibé nia papel mós hanesan momentu importante no evento ida ne’e di’ak tebes nune’e ita bele haree katak joven bele ezerse nia papel iha tempu ida agora,” Reprezentante ONU Patrícia Digiovania ba jornalista sira iha salaun Suai Room Timor Plaza.
Reprezentante ONU P hateten UN pronto nafatin hodi suporta ho maneira kria ambiente no espasu ba foi sa’e sira atu bele ezerse sira nia direitu no papel ho di’ak atu partisipa ativamente sai hanesan lider ba maluk sira iha area rual.
“UN suporta foin sa’e sira ho maneira ne’ebe diferente no UN suporta agora da-daun ne’e kria ambiente no espasu ba foin sa’e sira atu nune’e foin sa’e sira bele partisipa ativamente sai hanesan benifisiaros no sai mós hánesan líder ba sira nia maluk iha área rural no Fatin sira seluk,” nia subline.
Iha Sorin seluk Prezidente APFTL, Zaulino Gomes da Silva, argumenta joven Timor Leste iha potensial boot ne’ebe presiza hetan apoio husi Organizasaun Nasoens Unidas.
“Objetivu ohin loron atu halibur jovem Timor sira nia hanoin no rekomendasaun ne’ebe sei lori ba”simeira ba futuru nian “iha ONU iha setembro 2024, ida ne’e mak momentu ida iha ne’ebe joven nia lian sira, joven nia esperansa sira, sei rona husi mundo, ita joven Timor Leste, iha potensial boot ne’ebe presiza hetan apoiu no dezenvolve. ita hein katak ONU no komunidade internasional sira bele fo apoiu ne’ebe nesesariu hodi halo ita nia mehi sira sai realidade, ho tulun no orientasaun, Ita bele sai ajente ba mudansa ne’ebe lori benefísiu boot ba sosiedade no ita nia planeta.”Nia Esplika
Prezidente APFTL ne’e mos fiar ONU bele ajuda kria Programa formasaun, bolsu estudu no oportunidade servisu ne’ebe sei permite ba joven atu dezenvolve-an no fo kontribuisaun ninia nasaun, liu-liu hakarak servisu hamutuk ho komunidade global atu hetan futuru ida ne’ebe di’ak liu ba umanidade no planeta.
Estajiadu: Ezequiel Freitas
Editor : Agapito de Deus
