Lafaek News—Inan isin rua Flora da Silva lamenta ho atendimentu Sentru Saúde Lore 1 (SSL), atu bele fo atendimentu ba inan isin-rua iha situasaun emerjénsia.
Odamatan Sentru Saúde Lore-1 loron ba loron taka metin, ho razaun laiha kareta atu transporta dotor ba halo atendimentu iha sentru saúde refere, maske inan isin-rua sira tenke la’o ho distánsia kilo-metro 7 hafoin too iha sentru saúde ne’e, maibé dotor laiha.
“Ami iha ne’e ba postu saúde ne’e tujuh kilo, ami ba iha ne’ebá ne’e ami hein-hein, parteira sira atu mai konsulta ami más ami ba iha ne’ebá laiha, ami telefone ba fali infermeiru sira iha Lospalos ne’e dehan imi nia postu saúde dotor laiha entaun ami fila fali dala rua kedas, bulan empat sira dehan imi nian iha ne’ebá laiha tanba kareta la to’o,” Isin rua Flora da Silva, inform aba lafaek news iha Lore 1, Sesta (31/05/2024)
Pasiente ne’e hateten, sentru saúde ne’e dook tebes, maibé dotor laiha, dala ruma pasiente ins nisin-rua sira la’o distánsia kilo-metro 7, la’o ho kole tebes, maibé too iha sentru saude laiha dotor ida iha sentru hodi atende sira, pasiénsia tenke la’o fila-fali ba sira uma.
“Ami mai ne’e tenke kanotak moras tanba ita kondisaun hanesan ne’e la’o to iha ne’ebá tuju kilo ne’e durante ne’e ha’u ba tuir de’it iha Lospalos dala rua de’it to agora la iha tanba kondisaun estrada tan de’it udan tun bebeik ne’e ita ba mós araska” dehan Flora da Silva
Tanba ne’e, Komunidade Loré 1 husu Governu kria kondisaun ba sentru saúde ne’ebé besik nune’e labele afeita ba inan isin-rua no pasiente ne’ebé moras bainhira husu ajuda urjensia ba sentru saúde, presiza infermeiru ne’ebé ho permanente nune’e fasil ba atendimentu saúde nian.
Iha sorin seluk Xefe aldeia Titilari, Orlando da Costa haktuir, Komunidade asesu sentru saúde kuaze kilo-metru 7 no kondisaun estrada mós at, tanne’e problema ba komunidade hodi asesu ba sentru saúde no merkadu.
“Kondisaun estrada hanesan ne’e sira la’o de’it la ho transporte, entaun ami nia asesu bá saúde no asesu ba merkadu sempre hasoru problema boot maka estrada, ida ne’e mak sai ami nia preokupasaun,” dehan nia iha nia rezidensia Titilari.
Autoridade local ne’e haktuir, kondisaun estrada grave hanesan ne’e, dalaruma moras ne’ebé sente grave ne’e difísil tebes atu asesu lalais ba postu saúde tanba bu’at hotu atu lalais importante mak estrada.
“Ami nia kondisaun estrada desde ukun aan to’o agora Governu seidauk tau matan mai ami nia estrada depois kondisaun estrada ne’ebé bá aldeia Titilari kondisaun mak hanesan ne’e, horibainhira Kompañia balu mai hadia ona maibé to’o agora seidauk remata sira mai halo hahu 2013, iha kompañia zorro Construction Unip.Lda ho Kompañia Kinha,” nia dehan.
Dalan ne’e uluk pelumenus sei di’ak maibé tanba liga ho mudansa klimátika udan mai la tuir nia tempu entaun afeita tebes rai halai hodi estrag estrada sira sai Grave liu tan.
Programa TOR kobertura ba tinan ne’e iha munisípiu Lautém postu administrativu Loré, hetan apoiu husi Assosiasaun Jornalista no OXFAM Timor Leste no apoiu fundus husi OXFAM honkong hodi mobiliza jornalista husi media nasional sira tuun direta ba baze hodi identifika difikuldade povu kiik iha area remotas.
Jornalista : Aniceto Dias
Editor : Agapito de Deus
