LAUTÉM · 9 Jun 2024 16:08 ·

Fenómena Udan Monu ho Kór Metan iha Tutuala


Fenómena Udan Monu ho Kór Metan iha Tutuala Perbesar

Lafaek News—Mosu Fenómena foun ida iha Tutuala, halo komunidade sira hakfodak no koriozidade tebes bainhira udan monu ho kór metan hanesan ahi anar.

Akontesimentu ne’e foin ba dahuluk ba Timor Leste iha postu administrativu Tutuala munisípiu Lautém, iha loron sesta fulan Juñu, oras 16 (Otl) lokraik, udan been ho kór metan total hanesan ahi anar.

Fenomena Udan-ben ne’ebe komunidade sira kuru husi kalen iha balde laran kores metan hanesan lolos ahi-anar no tinta metan,, akontesimentu ne’e iha loron sesta oras tuku 16 lokraik iha Tutuala. imajen husi komunidade.

Gergório Kanto nudar abitante husi postu tutuala, haktuir  Ba lafaek News liu husi Vila Whatsaap katak, nia rasik hakfodak hafoin haree primeira-vez fenómena ne’e, udan hirak ne’ebé salin husi kalen ba balde ho bidon hanesan loos tinta metan.

“Akontesimentu hafoin udan horseik iha oras 16 :47 loraik, alin sira tau Balde ba udan nia turuk husi kalen tun mai mak nia kór metan ona mak alin sira bolu ha’u ba haree no haree hotu Kalen, maibé Kalen la furijen, ha’u haree ba Kalen leten  kalen la furijen, más udan been mak metan duni , nune ha’u informa kedan ba autoridade lokal xefe suku  no administradór postu mai haree direta, ikus mai autoridade informa ba uma kain hotu-hotu labele uza udan been ba halo buat seluk, tanba  komunidade balun fakar, maibé balun sei rai hela iha Bidon tanba karik governu sentrál atu bele tun ba Tutuala hodi hare direta ba fenómena iha Tutuala,” haktuir Grigório Kanto husi Tutuala ba Lafaek News, iha fatin akontesimentu Tutuala.

Udan-ben ne’ebé komunidade sira kuru direta husi kalen sei rai didi’ak hela iha bidon no balde laran, atu nune’e sai evidénsia forte hodi hein governu sentral liu husi Diresaun Nasional Meterolijika ba halo teste motive husi udan refere.

Lafaek News tenta konfirma ho autoridade local sira iha fatin akontesimentu, maibé seidauk hetan resposta ruma, tanba telemovel preukupadu ho rede komunikasaun.

 Jornalista : Acacio Pinto

Editor        : Agapito de Deus

76 Views
Artikel ini telah dibaca 192 kali

Baca Lainnya

Grupu Konservasaun Batar Lore 1 Halerik Ho Atake Peste Lakataro  

13 June 2024 - 17:22

Matan Halo Ha’u Lakon Esperansa ba Oan Sira nia Futuru

10 June 2024 - 21:32

Grupu Konservasaun Lenuk Bandu Komunidade Oho Animal Tasi

9 June 2024 - 23:36

Povu Kiik Iha Postu Lore Halerik Tebes Sira nia Estrada

31 May 2024 - 17:12

Atauro Oan ida Mout Iha Tasi Parte Lautém Deskonfia Lafaek Mak Tata

25 March 2024 - 16:59

Ahi Han Komunidade Ida nia Uma Sasan La Salva

18 March 2024 - 09:27

Trending di LAUTÉM