Lafaek News—IX governu konstitusional liu husi Ministériu estatál ho Igreja Timor Leste, hala’o lansamento sede Sekretaria Sua Santidade Papa Fransisko ne’ebé sei mai vizita Timor Leste iha fulan Setembru 2024.
Iha eventu lansamentu ne’e sede sekretaria ne’e, Ministru Administrasaun Estatál, Thomas Cabral, afirma
“Fatin ida ne’e sai Secretariado konjunta ba vizita amu papa ninian komesa Segunda ba oin atividade neebe iha relasaun ho vizita amu papa nian hotu-hotu reuni iha nee koordena iha nee hodi hein vizita ida mai husi Vaticano hodi hare Ita nia kondisaun, Sekretariadu atu mai karik Ita iha ona sede Ida lori bainaka sira no lori halo koordenasaun kona-ba servisus,” Thomas Cabral afirma iha sede Sekretaria Sua Santidade Papa Fransisko iha Motael Dili, sesta,19/04/2024.
Iha Sorin seluk, Dom Virgilio do Carmo da Silva mos agrdese governu hodi dehan, fo apresiasaun ba servisu governo hodi halo preparasaun ba Sua Santidade Amu papa nia vizitasaun iha Timor-Leste.
“Ha’u agradese ba Governo liu husi Ministro Estatal ne’ebé fihir ona fatin ida ne’e bele konsentra koordenasaun servisus ba preparasaun amu papa ninian vizitasaun, hanesan ita hotu hatene katak ekipa rua ne’e husi parte Dioseze prepara ninian husi parte governo mos prepara ninian atu nune’e koordenasaun ne’e bele la’o di’ak seksaun sira monta hotu, hanesan oin ami iha laran sr. Ministro fo hatene ona katak seksaun sira bele mai iha ne’e hasoru malu iha ne’e Secretariado ne’e sei funsiona semana tomak, servisu komesa la’o hanoin ida ne’e importante tebes se la’e orsida tenke buka malu atu ba fatin ne’ebé no halo saida atu presisa buat ruma karik mai iha fatin ne’e, husi parte igreja nian hakarak atu hatete buat ruma mai iha fatin ida ne’e,” Bispo Arke Dioseze Metropolitanu Dili, Cardial Virgilio do Carmo da Silva afirma.
Lider Igreja Katóliku Timor Leste ne’e, husu parte seksaun kiik sira atu nune’e bele hatene fatin ida ne’e sede servisu hodi hein vizita Sua Santidade Papa Fransisko
“Ha’u hakarak fo hatene liu-liu ba iha parte seksaun kiik sira atu nunee sira bele hatene ona katak Ida nee mak sede servisu ne’e fatin tiha ona bele mai iha ne’e halo kordenasaun no hakarak atu hatene informasaun tomak kona-ba vizitasaun tomak husi amu papa nian mai iha fatin ida ne’e”hateten Amu bispo Cardeal Virgilio do Carmo da Silva.
Jornalista : Arnaldo Nunes
Editor : Agapito de Deus
