Lafaek News—Arsebispu Arkedioseze Metropolitana, Dom Virgilio Cardeal do Carmo, ho Sua Eminensia reprezentante Vatikanu iha Timor Leste, esplika Karta notifikasaun iha Media Sosial (medsos) hateten governu lori Sua Santidade Amu papa hodi halo eviksaun ba komunidade sira iha sidade Dili.
“Ohin dader ha’u hetan notifikasaun ida tanba horseik mosu horikalan dehan katak notifikasaun tanba amu papa nia vizitasaun maka obriga atu halo eviksaun ba fatin hirak ne’e, felizmente oin dader ha’u hasoru PAM Dili nian ami halo atividade iha Katedral ha’u dada lia ho nia, nia dehan ha’u mos hakfodak horikalan sira dehan katak amu papa nia vizita mak halo ida ne’e nia entrega surat notifikasaun mai ha’u iha surat ne’e la temi tan de’it amu papa nia vizitasaun iha laran, ida planu governo nian antes la’os amu nia vizitasaun mak halo,” Arsebispu Arkedioseze Metropolitana, Dom Virgilio Cardeal do Carmo, klarifika liu husi konferénsia imprensa sesta ne’e.
Ha’u mos la haruka nia ba ko’alia amu papa enome de Igreja nian mai hasoru ha’u nuudar amu lulik ida nia haree akompanha, maibé la’os haruka atu ba ko’alia enome da Igreja iha ne’eba nuudar nasaun nian ba nia servisu iha ne’eba halo nia misaun, buat barak polémika husi surat ne’e ha’u klarifika ida ne’e, horikalan mos grupo ida husi tasi-tolu mai hasoru ha’u hodi aprezenta sira nia lamentasaun husi governu dehan husu ba sira tenke sai iha semana rua nia laran ohin Ha’u partilha ba Ministro kona-ba sira nia halerik ne’e, maibe Sr. ministro hatan sira halerik kona-ba saida, sira dehan amu nuudar sidadaun nuudar Timor-oan hakruk ida ne’eba ne’e rai-Estado ami prontu kopera no halo tuir estado nia orientasaun, maibé fo tempu mai ami tanba agora da-daun fo ami semana rua tempu badak los mai ami tanba sa, primeiro tempu rai udan, ami nia vensimentu susar ami atu hetan osan hodi hetan fatin,” haktuir lider Kreda Timor Leste ne’e.
Jornalista : Arnaldo Nunes
Editor : Agapito de Deus
