POLÍTIKA · 21 Apr 2024 09:13 ·

PR Parabeniza Armanda Berta Iha Kongresu KHUNTO Ba da-IV “Olinda Guterres La Marka Prezensa”


PR Parabeniza Armanda Berta Iha Kongresu KHUNTO Ba da-IV “Olinda Guterres La Marka Prezensa” Perbesar

Lafaek News—Prezidente Repúblika, José Ramos Horta, partisipa iha Kongresu Nasionál Partidu Kmanek Haburas Unidade Nasionál Timor Oan (KHUNTO), ba da-haat, hodi fo parabens ba Prezidente Partidu KHUNTO Armanda Berta dos Santos.

Iha diskursu Xefe Estadu nian hatoo nia apresiasaun no parabens ba Partidu KHUNTO ne’ebé lidera hosi Armanda Berta dos Santos, no hatoo mos nia parabens ba partidu ne’e iha ámbitu kongresu ba da-haat nian, hodi dehan, tuir lolos KHUNTO hetan kadeira 11 too 12 iha Elpar 2023, maibé realidade mantein ho kadeira 5 iha parlamentu nasional.

“Parabens ba Ama Berta parabens ba KHUNTO ha’u hateten ba ita sira iha buat ida ka rua ba eleisaun 2023 Parlamentu nian ha’u rona iha ne’ebá balun hateten momentu ne’e ha’u rona Naimori rasik ko’alia animadu los optimis loos hateten katak KHUNTO sei hetan kadeira 11 ka 13 ha’u rona de’it Khunto sorti ona mantein sira nia kadeira 5,” Ramos Horta ko’alia husi nia diskursu ba kongresista sira iha salaun Delta Nova, sábadu 20/04/2024.

Nia dehan, Partidu KHUNTO la konsege kadeira 11 no 13, maibé mantein kadeira 5 iha Parlamentu Nasionál, importante partidu iha dinámiku, tanba kuaze joven no akademista ne’ebé nakonu iha KHUNTO laran hodi fo kontribui ba rai Timor, liu husi lema  KHUNTO Hametin Damen, Hametin Demokrasia no Hametin Unidade Nasionál, apoiu ba paz no estabilidade iha rai doben ida ne’e, nafatin dame demokrasia tanba demokrasia la’ós buat espesial, más ne’e natureza hodi povu moris ho liberdade no kria unidade hodi labele fahe malu tan polítika.

“Ita la konsege 13 kadeiras la konsege 11 kadeiras más konsege 5 nafatin importante ita nia partidu joven dinámiku kuaze hotu-hotu joven de’it iha mós ema akadémiku barak iha partidu ne’e ba oin motiva mak ida ne’e reforsa kontribui para rai ne’e dame nafatin demokrasia nafatin, tanba demokrasia la’ós luxu ida la’ós buat ida espesial buat ne’e natureza ida ita tenke moris iha liberdade povu tenke partisipa didi’ak,” Horta afirma

Entretantu, hafoin Xefe Estadu too iha salaun kongresu Delta Nova, assosiasaun dansa kultura simu ho dansa kultura We-iku-Wehali titlu Kaisibalata husi munisípiu Vikeke hodi ssimu aman nasaun ne’e hakat tama salaun laran hodi partisipa iha kongressu refere, iha kongresu Partidu KHUNTO ba da-haat hetan partisipasaun másimu husi kongresista sira kompostu husi munisípiu 12 inklui Rejiaun Administrativa Espesial Oe-Kusse Ambeno.

Iha Sorin seluk Prezidente partidu KHUNTO Armanda Berta dos Santos, haktuir Partidu KHUNTO marka tan istória foun ida ba nia ezisténsia iha rai doben Timor Leste nu’udar forsa polítika ida iha Nasaun demokrasia ida ne’e atu kontinua kaer metin prinsipius no valores povu nian hodi liberta povu husi ki’ak no mukit liu husi dalan dezenvolvimentu.

“Ohin nu’udar momentu importante tebes ba Kuadrus no militantes polítika partidu Khunto nian husi Nobel  Nasionál to Baze,  hamutuk iha fatin ida ne’e hodi realiza kongresu Nasionál Partidu Khunto nian ba dala hat,hodi Diskuti programa Partidu nian atu bele hateke ba futuru tinan lima mai, ba ita nia povu no nasaun nia dezenvolvimentu, no mós atu elese fila fali ba partidu nia lideransa estrurura nasionál ne’ebé ho kapasidade no onestidade ho sai matan no tulun ibun ba ita nia povu no nasaun iha futuru mai, iha oportunidade ida ne’e nu’udar Presidente Partidu ha’u kontinua hato’o ha’u nia agradese ba  esforsu tomak ne’ebé mak ita boot sira halo hahu husi tinan 2011 to agora”

Lider KHUNTO ne’e ne’e mós husu militantes sira labele prekupa ho insultasaun oi-oin, hanesan so’e tempu de’it, maibé di’ak liu haree ba Interse komún povu nian, maske  ema atu trata ko’alia aat KHUNTO, maibe kontinua hatudu matenek hodi simu krítika hotu.

Observasaun Lafaek News nota, Olinda Guteres la marka prezensa iha kongresu ba dahaat ne’e, maibé partisipasaun husi Prezidente Komisaun Nasional das Eleisoens (CNE sigla Portugés), José Belo. Prezidente Partidu KHUNTO Armanda Berta dos Santos, Konselleru Másimu José dos Santos Naimori Bucar, no tema kongressu iha tinan ne’e  KHUNTO hametin dame, hametin demokrasia, no hametin no unidade nasionál

Jornalista  : Aniceto Dias/ Mateus F. de Deus

Editor         : Agapito de Deus

157 Views
Artikel ini telah dibaca 106 kali

Baca Lainnya

Naimori : “Iha Timor Ha’u ho Ramos Horta Mak Ko’alia Unidade Nasional”

23 April 2024 - 10:39

Berta Kontinua Lidera KHUNTO Ho Sekretariu Jeral Eleitu

23 April 2024 - 10:19

Naimori : KHUNTO sei la husik FRETILIN ho PLP Mesak

22 April 2024 - 00:08

KHUNTO Troka De’it Xefe Bankada La’os Hasai Olinda Husi Partidu

21 April 2024 - 09:19

PR ho PPN Diskute Preparasaun Viajen ba Abudabi  

21 February 2024 - 08:33

Deputadu Antonio Klarifika Hasai Olinda Husi Prezidente Bankada KHUNTO

13 February 2024 - 15:34

Trending di POLÍTIKA