Lafaek News-(OE-CUSSE)-Koordenador da Comissão Executiva Zona Ekonômia Espesiál Dezenvolvinetu Oe-Cusse-Ambeno (CE-ZEEDOA), João Mendes Gonçalves hamutuk ho Sekretáriu rejionál sira akompaña Prezidente Autoridade RAEOA, Rogério Tiago de Fátima Lobato fo tomada de pose ba Administradór postu administrativu Oesilo Benedito Ulan.
Iha diskursu Koordenador CE-ZEEDOA, João Mendes Gonçalves hatete, nia parte husu administradór empossado=u hakuak povu Oesilo tomak atu labele hare’e ba kór no rasa jéneru,
“Nune’e mós hakarak apresia ba administradór sesante ba serbisu tomak durante mandatu, tan ne’e husu atu koordena nafatin ho administradór empossado atu hamutuk dudu dezenvolvimentu rai Oesilo ne’e ba oin,” João Mendes Gonçalves ba jornalista sira hafoin partisipa iha serimonia tomada depose ba administrador sub-rejiaun Oesilo, 06/03/3034.
Iha fatin hanesan, Administradór sesante, Domingos Marques argumenta, hanesan jestór sesante simu ha’u nia kolega jestór foun maibé la’ós hanesan buat foun tanbá nu’udar ema servidór tempu to’o atu troka, tanbá ne’e iha biban ne’e ohin ha’u entrega ona património estadu ba administradór empossado tuir lista ne’ebé anexu mak hanesan xavi eskritóriu no motorizada hanesan kareta ida no motor ida. Nune’e hakarak hatete mos katak maske husik ona kargu maibé sei nafatin kontinua serbisu hamutuk ho nia hodi hatutan dezenvolvimentu ida ne’e ba povu no ba rai ida ne’e.
Entretantu administradór nomeadu, Benedito Ulan haktuir tan katak, hakarak apresia ba presidente autoridade RAEOA Sr. Rogério Tiago de Fátima Lobato ne’ebé maka deposita konfiansa ida ne’e hodi serví povu Oesilo tomak kompostu husi suku 3 no aldeia 13 hodi lori dezenvolvimentu to’o ba iha área remotas ka rurais sira, nu’udar Oesilo oan sei lá hare’e ba kór ka grupu maibé sei hakuak ema hotu hanesan responsabilidade ida hodi kontribui ba prosesu dezenvolvimentu nasionál.
Iha serimónia ne’e hetan partisipasaun máximu husi líder komunitariu sira, parte igreja katólika padre e madres sira no seguransas nasionál PNTL, F-FDTL inklui komunidade tomak husi suku 3 ne’ebé kompostu husi aldeia 13, serimónia importante ne’e realiza Iha salaun parókia Sagrada Coração de Jesus Oesilo.
Jornalista : Paulo Collo
Editór Textu : Lafaek News
