Lafaek News–Lider Nasionál Rogerio Tiago de Fatima Lobato, konsidera projetu fizíku no infra-estrutura iha Timor-Leste ba daudaun ne’e hahu la’o di’ak, maibe bao in tenke tau importansia ba povu kbi’it laek sira atu asesu ba Finansementu nune’e bele dudu lalais dezenvolvimentu iha rai ne’e.
“Ita kuandu ko’alia konaba dezenvolvimentu la’os ba de’it Estrada, ita tenke ko’alia ba mós saida maki ta nia povu kiak sira laiha buat ida ne’e bele iha asesu ba finansementu,”dehan Eis Ministru Interior ne’e ba Jornalista sira hafoin partisipa seremonia selebrasaun ba Proklamasaun Independénsia 28 Novembru 2023 ne’ebé hala’o iha Palasiu Prezidensial Aitarak-Laran, tersa (28/11/2023).
Enkuantu, Lider Nasionál ne’e mós hein katak, ho planu ne’ebé Nuno Governu deside ona atu loke banku dezenvolvimentu iha tempu tuir mai bele fo ona biban ba timoroan hotu atu bele partisipa iha prosesu dezenvolvimentu nomos oinsá bele dudu dezenvolvimentu iha rai ne’e la’os lalais.
“Tamba ne’e mak foin dadaun Primeiru Ministru dehan atu loke banku dezenvolvimentu, ne’e buat ida ke di’ak para bele halo timoroan hotu partisipa iha dezenvolvimentu, sela’e ema husi rai liur mak mai halo dezenvolvimentu depois osan sira lori hotu ba rai liur,”nia argumenta.
Nune’e, ho banku ne’ebé Nuno governu atu loke ne’e, povu kbi’it la’ek sira mós bele asesu hodi bele hala’o iha kualker atividade saida de’it, tantu dezenvolvimentu konaba komersiu no seluk tan importante mak tenke jere ho didi’ak nune’e governu bele fo fi’ar.
Estajiada : Epifania I. Pinto
Editor : Marcos da Silva Araujo
