Lafaek News—Média Online Lafaek News, hetan prémiu Direitus Umanus Maria Gprreti Joaquim nian husi Centru Nasional Chega (CNC) ho kategoria media online diak liu iha period 2023.
Prémiu direitus umanus ne’e media lafaek news hetan iha komemorasaun loron istóriku Balibo V ne’ebé ofisializa ba Loron Nasional Liberdade imprensa, Segunda (16/10/2023) iha postu administrativu Balibo munisípiu Bobonaro.
Diretor interinu media online Lafaek News, Agapito de Deus, afirma nia parte hatoo agradesimentu boot ba CNC, tanba bele halo ona evaluasaun ba produtu jornalista lafaek news nian ne’ebé foku liu ba asuntu sosiál, liu-liu maluk Timor-oan sira ne’ebé moris iha sofrementu iha era ukun an nian, balun moris goja, maibé balun hela iha nakukun laran, kiak hahan, kiak uma no kiak hela fatin iha sira-nia rain rasik.
“Ami nia ezisténsia klaru, polítika redasaun haree liu ba asuntu social, liu-liu ita nia inan-aman sira ne’ebé moris iha susar no terus laran ida ne’e ma kami hakerek sira nia instória moris, tan ne’e agradese ba CNC bele avalia ami nia produtu, maibé ami nia komitmentu metin ona sei la muda perante lafaek news nia ezisténsia,”Diretor Interinu ne’e ba lafaek news iha Balibo, hafoin simu premiu Maria Gorreti iha komemorasaun Balibo V iha postu administrativu Balibo, segunda semana ne’e.
Jestór interinu lafaek news ne’e haktuir, polítika redasaun lafaek news nian ne’ebé haree liu ba asuntu sosiál ne’e dezde kedan lafaek news eziste too ohin loron, la’os ho intensaun seluk kona-ba asuntu social ne’ebé lafaek news levanta, a post de Timor Leste indénsia too ohin loron, dezevolvimentu media la’o diak, maibé ladun prioritiza ba povu kiik iha baze, tan ne’e mak lafaek news eziste hodi reforsa lian husi povu ne’ebé ignoránsia, maske halikar maibé ema la rona sira-lian, ema balun haree finze la haree.
“Ita nia inan aman sira iha areas remotas, balun moris kiak loos, loron ida han dala ida de’it, at liu ema la rona sira lian, maibé lafaek news prontu nafatin hodi hatoo sira nia lian ba estadu hodi tau matan, notisia ne’ebé foin lalis hetan prémiu ne’e hakerek husi ha’u jornalista ida naran Mateus Feliberto de Deus, parabens mos bai ta hotu, nia esforsu,” nia dehan.
Iha biban ne’e diretór interinu LN ne’e hato’o obrigadu wain ba inan aman kbit laek sira ne’ebe koopera ho Jornalista Lafaek News hodi konta istoria susar no terus ba lafaek news, hodi hatoo ba Publiku liu husi www.lafaeknews.tl ba lafaek News ” Premio lori triesteza ba kbit laek tanba kontinua moris iha Injustica Sosial.
Entretantu, relasiona premiu direitus umanus Maria Gorreti Joaquim, CNC atribui dala tolu ona ba media lafaek news iha komemorasaun loron liberdade nasional imprensa tinan 2021, 2022 no 2023.
Jornalista : Mateus Felisberto de Deus
Editor : Paulo Collo
