Lafaek News–Sekretáriu Estadu Formasaun Profesional no Empregu (SEFOPE) Segunda (09/10/2023), hala’o lansamentu peskiza graduadus formasaun akreditadu hahú husi tinan 2018 to’o 2022.
Asuntu ne’e hatoo husi Sekretáriu Estadu Formasaun Profisionál no Empregu Rogério Araújo Mendonça ba jornalista sira hatete, lansamentu peskiza ohin nian kona ba graduadu sira ne’ebé mak tuir ona formasaun iha sentru formasaun akreditadu durante ne’e husi 2018 to’o mai 2022.
“Agora ita halo fali lansamentu ida ne’e iha tinan 2023, atu hatene katak ita nia formandu sira ne’e sira ninia pozisaun iha ne’ebé, depois sira tuir formasaun sira agora iha ne’ebé liu husi sentru formasaun INDMO mak bele hatene katak sentru formasaun ne’e tuir estandar ou lae, iha nivel 1 to’o nivel 4 nune’e kompeténsia INDMO, agora husi nivel 5 ba to’o iha nivel 8 ne’e ANAA nia kompeténsia ne’e mak deside katak sentru formasaun ne’e nia akreditadu ou lae,” Rogério dehan.
Governante ne’e akresenta liu tan katak, Kona ba númeru ilegál Timor-oan ne’ebé mak iha Korea-Súl ne’e agora iha ne’e bele dehan númeru ki’ik hela ho pursentu 30% kompara ho nasaun sira ne’ebé mak fo sira nia traballdór sira ba servisu iha Korea-Súl ne’e.
“Persentajen ita hatene katak husi traballadór na’in 6216 foti sampél ba hodi halo intervista iha na’in 400, agora iha na’in 400 ne’e iha pursentu 66% husi feto no 34% ne’e mane,ne’ebe ita bele hateten katak balansu jenerú iha peskiza ne’e hatudu katak iha tinan 2023 ne’e pursentu feto aas liu fali pursentu mane,ne’e ohin hateten ona katak iha 31% husi na’in 6216 ne’e iha 31% ne’ebé mak hetan ona empregu inklui empregu rai laran no empregu rai liur, maibé maioria iha empregu estranjeiru hanesan Korea-Súl, Austrália no balu mak ba ona iha Japaun ho númeru foin mak 14 maibé ita espera katak ba oin sei hasae fali tan númeru ne’e bo’ot,” hakotu nia.
Jornalista : Julio da Conceição
Editor : Paulo Collo
