Lafaek News-Kandidatura xefi suku Baduro, postu Administrativu Lautém, Munisípiu Lautém, Kuarta 04/10/2023, iha ne’ebé hamri’ik hodi hadia administrasaun suku ninian iha durante mandatu tinan hitu nia laran.
Kandidatura ne’e mai ho identidade kompletu mak hanesan, naran kompletu Rozito Pinto lic. Agr, husi suku Baduro, remata estudu ba kursu lisensiadu iha tinan 2013, moris iha aldeia Luadau, suku Baduro, postu administrativu Lautém, munisípiu Lautém, moris iha loron, 05-03-1987, oan husi José Pinto no Julieta dos Santos, oan daruak husi maun alin nain 6 kompostu husi mane nain 4 no feto nain 2, mai husi knua No’odharu, uma lisan Retivel-ara, farivel-ara.
Entretantu, Kandidatura ne’e ho ninia kapasidade servisu mak hanesan tuir mai ne’e, Hatene uza komputador, halo plano no programa, servisu ho ekipa
Programa prinsipal sira mak hanesan tuir mai ne’e, hadia sistema iha administrasaun iha suku, estabelese administrasaun besik liu ba povu, garante atendimentu públiku ne’ebé hanesan, garante transparensia iha suku, estabilidade hodi kria paz no dame, realiza limpeza jeral hodi garante suku saudavel, halo diálogu ho entidades hotu ne’ebé eziste, enkontru ho komunidade iha suku, realiza komemorasaun loron nasionál, prepara kondisaun ba área desportu komunitariu.
Vizaun, Kontribui ba dezenvolvimentu sosiedade ne’ebé mak modernu, sivilizadu, justu no prosperu no misaun, garante direitu ba ema hotu hodi hato’o kritika, auto kritika ne’ebé konstrutivu no edukativu iha sosiedade nune’e hamutuk dezenvolve suku Baduro.
Jornalista : Aniceto Dias
Editor : Paulo Collo
