Lafaek News—Deskonfia ema moras mental tá joven nain rua, ida mate fatin no ida seluk kanek todan no evakua ona ba klínika suku Lauana hodi halo tratamentu urjénsia.
Tuir fontes kredivel ne’ebé lakohi temi sai naran ba lafaek news haktuir, akontesimentu ne’e mosu iha oras 11:00 kinta dadeer (07/08/2023) iha bairu Lobkoli aldeia Fahiluha, suku Katrai-Leten, postu administrativu Letefoho, munisípiu Ermera, no ligasaun ho akontesimentu ne’e parte sasin sira seidauk konta kronolojia ba Lafaek news ho razaun sei iha situasaun traumátiku.
Iha akontesimentu ne’e rasik parte polísia skuadra Letefoho too kedan iha fatin akontesimentu hodi normaliza situasaun no evakua joven ida ne’ebé sofre kanek todan iha isin lolon tanba simu tá ho katana maubeka hosi ema moras mental ne’e.
Autor ne’ebé deskonfia oho joven nain rua, ida mate fatin no ida kanek todan, parte seguransa PNTL eskuadra Letefoho sei buka tuir hela autor principal ne’e, tanba halai lakon husi akontesimentu ne’e.
“Depois Orsida mak ha’u informa fali ba ita boot sira, tanba ami nia komandante eskuadra sei sibuk hela,” haktuir OPS suku Katrai-Leten ba lafaek news via telefone, foin lalais ne’e.
Lafaek news tenta konfirma ho PNTL eskuadra Letefoho, Operasaun Polísia Suku, suku Katrai-Leten haktuir katak nia parte seidauk bele fo komentáriu ho razaun kazu ne’e sei iha prosesu identifikasaun ba autor, baze hirarkia nia parte rasik hatene nia seidauk bele fo komentariu sobre motivu prinsipál husi akontesimentu refere.
Ekipa kobertura : Lafaek News
Editor : Agapito de Deus
