Lafaek News—Prezidente Repúblika (PR) José Ramos Horta, segunda (13/02/2023) ofisialmente dekreta eleisaun parlamentar 2023.
Dekretu Prezidente Repúblika ho númeru 9/2023, loron 13 fulan Fevereiru 2023, iha palasiu prezidénsia Bairu-pite, kona-ba markasaun data ba eleisaun parlamentares 2023 nian no iha loron fixu ba eleisaun iha loron 21 fulan Maiu 2023 hodi hili deputados sira ba Parlamentu Nasional liu husi partidu polítikus sira.
iha komunikadu imprensa husi palasiu prezidente republika sita katak, haree ba nesesidade atu determina data eleisaun ba reprezentante sira Parlamentu Nasional nian, hafoin rona tiha Governu no partidu polítiku sira ne’ebé iha kadeira parlamentár tuir artigu 86 alínea c) Konstituisaun Republika nian no artigu 17 Lei Parlamentu Nasional nian kona-ba Eleisaun, aprova ona Lei n.o.6/2006, 28 Dezembru, foti fali Lei n.o.5/2007, 28 Marsu, Lei n.o7/2011, 22 Junu, Lei n.o 1/2012, 13 Janeiru , no Lei n.o 9/2017, 7 Maiu, Prezidente Republika Demokratika Timor-Leste deside:
- fixu ona iha 21 Maiu 2023 ba eleisaun deputadu sira ba Parlamentu Nasional.
- Dekretu ne’e tama iha vigór iha loron ne’ebé nia asina, haklaken rasik husi Prezidente Republika, Jose Ramos-Horta, Palasiu Prezidensial Nicolau Lobato, iha 13 Fevereiru 2023.
Jornalista : Rita Moniz
Editor : Agapito de Deus
