Lafaek News—Sekretáriu Jerál Partidu Kmane’ek Haburas Unidade Timor-Oan (P-KHUNTO), José Agustinho da Silva, sente triste ho situasaun internal no hasai karta nakloke ba simpatizantes militantes KHUNTO iha territoriu nasional.
Karta Aberta husi Sekretariu Jerál KHUNTO, José Agustinho da Silva, nakait ho osan subvensaun públiku nian ne’e’ebé la konsege too iha koordenadores munisípiu sira hodi hala’o atividade konsolidasaun partidu nian hodi prepara ba eleisaun parlamentar tinan ne’e’e.
“Oportunidade kmane’ek ne’e’e ha’u hakarak apela ba quadrus, militantes no simpatizantes Partidu KHUNTO iha teritóriu Timor laran tomak katak ha’u nudar Sekretariu Jerál sente triste no la satisfas ba aktus hirak ne’e’ebé mak akontese iha partidu ne’e’e ninia laran, durante ne’e ha’u nonok hodi akompanha, maibé tempu too ona ha’u atu deklara katak wainhira partido KHUNTO hetan asentu iha parlamentu nasional, partidu hetan subvensaun, maibé durante ne’e ha’u nudar Sekjer asina chek no asina relatóriu hatama ba CNE, maibé ezekusaun ba osan ha’u laiha koiñesimentu,” katak SEKJER partidu KHUNTO, José Agustinho da Silva liu husi karta nakloke ba públiku no viral ona iha media sosiál.
José hateten, nudar Sekjer iha inísiu kedas hakarak osan subvensaun públiku (SP) transfere ba konta bankária kada munisipiu atu nune’e bele jere rasik atividades, “maibé buat hirak ne’e ha’u kolia, ha’u mak sala fali,” katak nia.
Ministru MTK ne’e argumenta, KHUNTO sai buras tanba kontribuisaun ema barak nian, maibé ohin loron partidu KHUNTO nia lalaok oin seluk hodi la konsidera nia nudar Sekjer.
“Ha’u rona katak LS no Prezidente nomeia ona Sekjer Interina too realiza kongresu extra-ordináriu hodi hili Sekjer foun, ha’u nia lejitimidade delegadus sira mak fo liu husi kongresu nasional tanba ne’e ha’u sei nafatin Sekjer P.KHUNTO, sekretariu Jerál Interina ha’u konsidera illegal nune’e dokumentu relatóriu ezekusaun orsamentu subvensaun ne’ebe Sekjer interina asina ilegal mos,” nia akresenta.
Tuir José Agustinho da Silva, ho problema barak ne’ebe mak akontese P.KHUNTO la hatudu transparánsia ezekusaun orsamentu ne’ebé hetan husi governu ba Partidu Politiku (PARPOL) hotu, tan ne’e liu husi biban ne’e hakarak alerta ba kuadrus Partidu KHUNTO husi nasional too baze katak partidu KHUNTO uluk ho agora la hanesan, nudar Sekjer ha’u hatene’e katak Partidu KHUNTO iha osan barak hodi apoiu orsamentu ba realiza atividade konsolidasaun, kampanha no tama uma sai uma hodi hasoru eleisaun 2023 nomos osan selu ba fiskais sira iha sentru votasaun.
“Bainhira laiha apoiu ruma husi nasional diak liu para tanba agora la’os tempi atu sumbangan, hatutan ha’u nia mensajen ne’e ba ema hotu obrigadu,” Sekretariu jéral P-KHUNTO hakotu lia.
Jornalista : Aniceto Dias
Editor : Agapito de Deus
