Lafaek News—Ajénsia TIC TIMOR. I.P servisu hamutuk ho Komisaun Tékniku Eventual (KTE) realiza enkontru kona-ba programa Unique Identidade (ID) hodi atualiza ba membru sira ba progresu servisu ne’ebe konsege atinje ona iha period tinan 2022.
“Loron ida ohin nudar loron espesial ida ita halo Enkontru ba Komisaun Tékniku Eventual ba Programa Unique ID, enkontru ida ne’e ho nia obejtivu prinsipal atu atualiza ba membru sira hotu, ba progresu servisu hirak ne’ebe konsege atinji ona durante tinan 2022, nune’e permite ha’u atu hato’o ba ita-bot sira hotu atinjimentu hirak ne’ebe konsege ona ita atinji durante periodu 2022,”Diretor Ezekutivu TIC TIMOR.I.P Institutu Publiku, Roberto Caitano de Sousa Vicente informa iha Timor Plaza, Maubara Room, Tersa(13/12/2022)
Nia esplika, Ajénsia TIC Timor, I.P liu husi Diresaun ID Úniku kontinua hala’o implementasaun estratejia integrada ba implementasaun sistema identifikasaun úniku hahu tinan 2022, hodi bele prepara rejistu sidadaun no rezidente sira iha Timor-Leste iha 2023.
TIC Timor ho membru KTE hakarak atualiza progresu servisu implementasaun programa ID Úniku durante tinan ida ne’e nia laran (2022), atu haree preoridade kontinuasaun servisu ho tinan oin (2023), no alinamentu koordenasaun servisu ho membru KFE, iha enkontru prinsipál ne’e TIC Timor envolve membru KFE ne’ebé maka involve iha programa ID úniku no KFE ne’ebé kompostu husi Ministeriu relevante sira ne’ebé hahú forma iha tinan 2020, no papel importante atu prepara planu estratejiku ba implementasaun programa úniku no planu aprozonamentu programa ID úniku nian.
“Enkontru ohin mos objetivu prinsipal ohin enkontru ne’e TIC Timor halo envolve membru KFE sira ne’ebe maka involve iha programa ID Úniku, KFE ne’ebe maka kompostu husi Ministeriu relevante sira hahu kedas forma iha tinan 2020, ho nia papel importante ida maka prepara planu estrateziku ba implementasaun programa Úniku nomos planu aprozonamentu ho implementasaun tomak Kona-ba implementasaun programa ID Úniku ne’e,” nia dehan
Nia afirma, Promulgasaun Orsamentu IDU, Konsellu Ministrus autoriza ba gastus ho valor 13,814,201 USD ho inisiasaun ba prosesu Tenderizasaun ba Internasional Competitive Bidding (ICB) no TIC TIMOR I.P nu’udar ajénsia implementadór iha 1 de Junu 2022. No Orsamentu ba 2022 hosi OJE aprovadu ho millaun 3 USD 1/2 husi orsamentu inisiál millaun 6 USD.
Iha fatin hanesan, Asesor Nasional ba Inovasaun Administrativa Presidensia Konsellu Ministru, Fausto Maia Gama argumenta katak, desde tinan 2018 atividade ida ne’e governu halo taxa ba programa tinan lima nian, sita mós kona-ba governasaun elektroniku ba governu ho harana sistema governasaun elektroniku Timor leste hodi melora no hadia prosesu prestasaun ba sidadaun empreza sira.
Programa oitavu governu konstitusional ba tinan lima, hamosu programa preoritaria ho naran programa reforma administrativu ne’ebé governu aprova ho rezolusaun ba tinan 2020.
“Husi programa tinan lima oitavu Governu Konstitusional ne’e maka hamosu programa preoritaria ida naran programa reforma Administrativa ida ne’ebe Governu tomak ninian ne’ebe mak aprova ho rezolusaun iha tinan 2020,”nia hakotu
Jornalista : Adolfina Soares
Editor : Aniceto Dias
