Lafaek News—Ekipa Komisaun Organizadóra ba eventu kulturál no múzika Atauro, Informa Objetivu prinsipál husi festival oinsa atu esplora identidade kultura no Turizmu Timoroan promove no proteze kultura nu’udar identidade úniku Timor Leste ne’ebé bele atrai turista sira husi rai laran no mós husi rai li’ur.
Asuntu ne’e hato’o husi ekipa komisaun organizadora ba eventu kulturál no múzika Atauro portavoz Azevedo Marçal hafoin remata enkontru ho Prezidente Repúblika José Ramos-Horta iha Palásiu Prezidensiál Segunda (14/11/2022) hodi atualiza ba progressu servisu no mós preparativu sira, no mós hetan orientasaun husi Xefe Estadu kona-ba preparativu sira ne’ebé la’o ona ita atu realiza iha loron 21 to’o 24 Novembru.
“Objetivu prinsipál husi ita nia festival ida ne’e mak atu esplora identidade kultura no Turizmu Timoroan nian, promove no proteze kultura nu’udar identidade úniku Timor Leste ne’ebé bele atrai turista sira husi rai laran no mós husi rai li’ur”, dehan Koordenadór Festival Múzika no Kultura Ataúro, Azevedo Marçal iha Palasíu Presidensiál Bairo-pite Segunda (14/11/2022).
Portavoz ne’e hateten, husi festival ida ne’e hasa’e kreatividae joven Timoroan iha area arte no kultura, no mós ko’alia kona-ba sosializasaun identidade kultura ba jerasaun foun sira, promove pas, estabilidade no unidade nasionál, hakarak partilla mós durante festival ida ne’e iha atividade sira ne’e parte grupu tolu.
“Primeiru ita sei halo atividade hamutuk 8 mós sei iha konkursu 4, modalidade hamutuk 4, atividade ne’ebé ita kobre mak múzika instrumentál, tradisionál, tais tradisionál Munisípiu 14 atu Embaixadór sira husi rai li’ur sira ida-idak hatais tais Timoroan nia husi munisípiu ida-idak promove ita nia tais, atividade seluk mak soru tais, ai-han tradisionál, no mós ai-han internasionál ekipa Indonézia ida sei mai partisipa, Hatamak illa Atauro, kuda mangro atu hamatak illa Atauro, marsa moradores, mudansa tradisionais, feira livru no espozisaun pintura”, dehan Koordernador Jéral ne’e.
Entretantu alende atividade, iha mós konkursu kompetisaun sira tasi, rai maran, Atauro Adventur mós noite poema, pintura, múzika koremetan, iha korida ro, nani taru, halai sa’e foho, korida bisikleta.
Koordenadór Festival Múzika Atauro Salienta, Kona-ba finansiamentu Prezidensia Repúblika mak apoiu, hetan mós apoiu husi governu, liña ministériais hanesan Sekretária Estadu Arte Kultura, MTKI mós parseiru dezenvolvementu sira mós apoiu kontribuisaun sira ne’ebé la’ós osan, setór privadu sira rai laran mós hakarak apoiu nune’e orsamentu ne’e purvolta 500 mill.
“Partisipa husi eventu ne’e iha ona konfirmasaun lista ema hamutuk 2.652 mak sei ba, husi munisípiu sira hamutuk 386 no sira ne’ebé rejistu ona atu tuir atividade sira ne’e 1.700 resjistu prontu hakarak partisipa”.
Iha biban ne’e Prezidente Repúblika José Ramos-Horta agradese tebe-tebes, fó apoiu tebe-tebes ba ekipa ne’ebé la’o no hetan mós orientasaun balun husi Xefe Estadu mós apoiu husi Primeiru Ministru Taur Matan Ruak no mós VIII Governu konstitusionál nia estrutura tomak fó apoiu maka’as, tanba ne’e mobilizasaun komisaun organizadór ne’e kompostu husi liña ministériais sira.
Jornalista : Rita Moniz
Editór : Agapito de Deus
