Lafaek News—Diretor kompañia Bobolait.Lda, Carlito M.S.Pereira, klarifika prosesu konstrusaun monumentu 12 Novembru difisil atu entrega iha tempu badak tanba iha intervensaun interese polítika ba projetu ne’e.
Diretor kompañia Bobolait.Lda Carlito M.S.Pereira hatoo kestaun ne’e ba Jornalista Lafaek News iha nia knaar fatin Kuluhun, Segunda (07/11/2022), relasiona ho ezijénsia Komíte 12 de Novembru nian hakarak entrega ona iha tempu badak hodi komemora masakre Santa Krús 12 de Novembru iha tinan ne’e.
“Ida ne’e la’os problema kompañia nian, kompañia hakarak hotu lalais tanba servisu ida ne’e ema hotu hatene katak susar tebes atu halo tanba iha mos polítika iha interese barak iha ne’eba ne’e mak too agora servisu ne’e seida’uk hotu, maibé agora lao ona hanesan halo dadauk moru ona, chor dadauk oin ne’e, no estatua mos ami halo dadaun ona.”, esplika Diretor Kompañia Bobolait.LDA Carlito M.S.Pereira iha edifisiu Kuluhun ( 07/11/2022).
Diretor Kompañia Bobolait. Lda ne’e hatete, loloos ne’e servisu ne’e ba tinan ida nian de’it, kompañia asina kontratu iha fulan Setembru tinan 2021 loloos, Setembru tinan ne’e entrega ona, maibé liu tiha ona Setembru servisu mak la’o nafatin hanesan ne’eba, ema hanoin kompañia mak la halo servisu.
“Ami mak halo duni, maibé foti desizaun ne’e barak mak foti desizaun, ita foto desizaun balun dehan hein lai tanba ne’e mak keleur impkatu hodi afeta ba iha kompañia, servisu ne’eba ne’e difisil halo moru no estatua ne’e se mak labele halo ema bele halo, problema ne’e ita hotu hatene matérial sira ne’ebé atu uza ne’e labele mai husi Indonézia tanba ema boot tanba ne’e sasan sira ne’e tenke mai husi kompañia nasaun sira seluk ida ne’e mak ami halo tuir ida ne’e mak problema ba kompañia hodi ezekuta servisu ne’e,” diretor ne’e tenik.
Diretor kompañia ne’e Salienta, tanba material hotu-hotu husi kompañia nasaun seluk ne’e la fasil atu lori tama mai TimorLeste, iha Timor Leste loja ida ka rua mak faan material, la’os mai husi Indonézia, ida ne’e hotu ona pasiénsia hein fulan rua tolu mak sasan foin too mai, too agora estatua ida kompañia atu halo ne’e seida’uk iha kompañia seida’uk simu.
“Kompeténsia ne’e ba ministeriu relevante ne’ebé mak toma konta ba servisu ne’e, maibé ministériu mos iha ema balun mak halo dezeñu ne’e ba sira, dezeñu estatua ida detallu ne’e too agora ami kompañia seida’uk hetan,” Carlito sublina.
Entretantu tuir Diretór Bobolait.LDA karik komite 12 de Novembru ezije katak 12 de Novembru tinan ne’e tenki uza monumentu ne’e, maibé tenki haree kompañia mak sala ka no failansu ne’e husi ne’ebé? labele ejize de’it hakarak too ikus ema balun atu sai vítima, agora dehan Bobolait mak vítima hela, maibé loloos ne’e servisu la susar ida iha ne’eba fasil loos.
“Ami enkontru ho Ministru Assuntus Kombatentes Libertasaun Nasionál(MACLN) sigla Português ha’u levanta kestaun ne’e governu halo rate ba hotu-hotu ba restus mortais sira laiha problema ho material sira la kestaun, ida kestaun mak Bobolait kaer ne’e ida ne’e mos atu tau restus mortais sira ne’ebé mak ema oho ne’e, servisu ne’e kestaun polítika ha’u halo tuir orientasaun ne’ebé mak iha ha’u la foti desizaun arbiru ha’u halo nafatin buat ne’ebé mak sira aprova ha’u halo, agora atu halo material hotu-hotu laiha,” nia akresenta.
Iha okaziaun ne’e ba Lafaek News Diretor kompañia Bobolait. LDA Carlito M.S.Pereira, husu atu kolabora hamutuk ho kompañia nune’e servisu ne’e bele la’o ho di’ak, labele impede malu buat ne’ebé mak kompañia ejize atu halo aprosimasaun halo lalais se governu extende kompañia ba tinan ida se bele tinan oin 12 de Novembru remata ona
Jornalista : Rita Moniz
Editór : Agapito de Deus
