Lafaek News—Eskola Sekundaria Jerál Publika (ESGP) Suai utiliza fundus husi Konsellu Estudante (KE) konstrui Postu Polísia iha areador eskola hodi asegura siguransa no prevene asidente tráfegu ba estudantes.
Diretór Eskola Sekundária Jerál Suai, Francelino Carvalho relata, ESJP Suai iha estudantes 2300, númeru estudantes barak liu bele iha risku ba asidente, bainhira atu harii Postu Polísia ne’e, ba dahuluk kordena ho komandu Polísia Munisipiu Kovalima hodi aprezenta situasaun tolu ne’ebé eskola enfrenta, maibé laiha resposta, tan ne’e eskola inisia rasik hodi estabelese postu polísia ne’e, más hatoo karta koñesimentu ba Komandante PNTL munisipiu Kovalima molok konstrui postu tránzitu refere.
Estudante iha ESGP ne’e 2,300 resin ho númeru ne’ebé bo’ot, tan ne’e iha eskola ne’e sempre akontese konflitu estudante entre estudante, tan ne’e eskola hakarak kria obra ne’e hodi tau Postu Polísia iha ne’eba ami kria lolos Postu Polísia ne’e iha rotunda eskola ninian,” katak diretór ESGP Suai Francelino Freitas Carvalho ba lafaek news foin lalais.
Tuir Francelino, osan ne’ebé utiliza harii Postu Polísia ne’e Kontribuisaun husi Inan-Aman estudantes nian deside liu husi konsellu estudante, kada estudante $1.50.
Ami kria obra ne’e mai husi fundus inan aman nian ne’ebé mak ami utiliza husi fundus total $ 700, kompostu husi fundus be, desportu, konsellu estudantil iha mos fundu ida ami hodi selu profesor parsiail sira, ami foti restu husi saldu fundus ne’e entaun ami utiliza fundu be ne’ebé mak inan aman kontribui uitoan ne’e mak ami uja, fundus ne’e lolos ami utiliza ba be ninian, $ 1.50, kada estudante ida entaun fundu ne’e balu ami uja ba manutensaun be husi restu ne’e mak ami hodi estabelese Postu Polísia ida iha area eskola” Tanik Francelino
Diretór Francelino esplika konaba natureza inaugurasaun ba postu polísia iha areador ESGP Suai ne’e, sei Konvida mos autoridade Munisipal sira, atu inisiativa ida ne’e sai hanesan exemplu ba eskola sira seluk iha Tetitoria Nasional liu-liu iha Kovalima atu labele hein de’it kontribuisaun husi Governu, maibé eskola rasik tenke iha hanoin rasik hodi asegura estudantes sira.
Molok atu inaugura ne’e, ami mos sei informa ba parte PNTL, bele buat ne’e ki’ik maibé, tanba ita kontribui ba buat seluk ne’ebé ami sei konvida parte polísia, Administrador mos ami sei konvida para sai ezemplar ba eskola sira seluk iha teritóriu laran ne’ebé mak dook husi postu polísia katak ita la’os hein de’it governu ka parte kompotente mak tenki kria buat sira ne’e lae, maibé ita tenki iha inisia rasik hodi bele kuidadu eskola ida nian” Nia esplika
Diretor Eskola Sekundaria Jerál Publiku Suai, Francelino Freitas Carvalho tatoli Mensajen ba eskola seluk atu bele banati tuir hodi harii rasik postu Polísia iha areador eskola, liu-liu ba eskola sira ne’ebé sempre mosu konflitus husi estudantes ho estudantes, nune’e hodi garantia siguransa no prevene konflitu ne’ebé atu mosu iha areador eskola nian.
Jornalista : Jefry RastaQ (RCCT)
Editor : Agapito de Deus
