Lafaek News—Eskola Bázika Filial (EBF) Aikurus suku Tulataqeu postu administrativu Reméxiu munisípiu Aileu menus kadeira ho meja hodi fasilita estudantes sira aproveita matenek husi manorin.
Estudantes EBF Aikurus harii iha tinan 1989 too agora la hetan atensaun husi governu no estudantes hamutuk 179 kedan nabutuk iha sala tolu ne’e’ebé ho kondisaun infrastrutura atu namtate (agunia), susar liu bainhira iha tempu udan no anin tau maka’as fo risku ba estudantes ho professores sira nia vida.
Iha eskola ne’e rasik menus fasiladade hanesan meza kadeira mos agora at hotu ona no mos sala de aula 3 de’it mak sira uza hodi hala’o prosesu aprendizajen lor-loron ba estudante husi klase 1 to 6 mak uza hamutuk sala de aula 3 ne’e,’’katak koordenador EBF Aikurus, Domingos Mendonça ba Lafaek News iha nia kna’ar fatin foin lalais.
Tuir nia katak, EBF refere akumula mos estudante balun husi EBF Fatubutik, tanba eskola Fatubutik nia infrastrutura iha hela prosesu konstrusaun, bainhira finaliza ona konstrusaun estudante eskola refere sei fila hikas ba Fatubutik hodi kontinua prosesu aprendizajen normal. .
EBF Fatubutik iha duni manorin nain 2 mak durante ne’e sai haensan aman ba iha EBF fatubutik rasik, maibé antes konstrusaun eskola ne’e hetan autorizasaun husi governu atu halo fali reablitasaun ba EBF, manorin nain 2 ne’ebé durante ne’e hanorin iha ne’eba mate hotu ona iha Tinan 2021, tanba ne’e sira mos hetan fali autorizasaun husi autiridade lokal no mos edukasaun Munisipiu muda fali estudante sira ne’e mai hamutuk hala’o lai prosesu aprendisazen iha EBF Aikurus hodi hein too konstrsaun eskola ne’e remata reabilitasaun hafoin kontinua aprendizajen normal.
Iha ha’u mandatu hanesan koordenador EBF Aikurus rasik la tur nonok de’it sempre marka enkontru ho inan aman inklui autoridade sira haruka pedidu liuu husi Karta ba iha postu administrativu too munisipiu, maibé too agora seidauk iha responde ba sira nia preokupasaun hirak ne’e, la’os problema ba fasiladade de’it mak sira hasoru, iha tan problema seluk hanesan rekursu humanus, tanba EBF Aikurus rasik iha manorin nain 3 de’it, tanba iha eskola ne’e estudante husi klas 1 too 6 ne’e hala’o prosesu aprendijazen di’ak, maibé manorin nain ida kaer klase 2, tanba manorin nain iha EBF Aikurus nain 3 ne’e permanente nain 2, no voluntario nain 1, tanb ne’e husu ba edukasaun munisipiu karik bele haree lalais problema hirak ne’e hodi buka solusaun rezolve, Nia hakotu.
Jornalista : Nicolau Fernandes
Editor : Agapito de Deus
