LafaekNews- Prezidente Repúblika José Ramos Horta husu governu atu selu empreza operador telekomunikasaun Timor Telecom nia dívidas $5 Milloens.
Prezidente Repúblika José Ramos Horta hatoo asuntu ne’e hafoin hala’o visita ofisial iha edifisiu empreza Timor Telecom iha Kaikoli kuarta semana ne’e.
Estadu tenke sukat didi’ak dividas estadu nian ho Timor Telekom tanba estadu rasik tinan lubuk ida nia laran la selu dividas ne’ebé Timor Telekom iha, ministériu lubuk ida halo komunikasaun oin-oin depois haluhan tiha atu selu dividas $5 milloens ne’ebé iha”, esplika Prezidente Repúblika José Ramos Horta ba jornalista iha edifisiu Empreza telekomonikasaun Timor Telecom Kaikoli, kuarta ( 13/07/2022).
Tuir Xefe estadu Horta, loloos estadu labele hanesan debedór ne’ebé la selu dívidas ho Timor Telekom no ida ne’e la’ós faila VIII governu konstitusionál nian, maibé hahú kedas husi Primeiru Governu mai to’o ohin loron, totál dividas estadu nian $5 milloens, espera Primeiru Ministru Taur Matan Ruak laran luak no ema di’ak la gosta halo dividas entaun nia rasik mak hanesan Xefe Governu ida ne’ebé di’ak sei resolve dividas hotu-hotu.
Estadu tenke sai debedór onradu tanba la’ós de’it problema ho Timor Telekom maibé iha problema oi-oin ida mak sexta bázika tanba sira ne’ebé Sexta bázika ne’e sira faan sasán entrega ba konsumedór governu dezigna depois la selu Sexta bázika
Tuir Horta, Klaru katak la’ós governu lakohi selu maibé birokrásia mak nei-neik tebe-tebes no halo Timorooan lubuk ida la hetan pagamentu hodi difikulta empreza sira nia moris, tanba laiha kbiit atu halo konkorensia ho empreza sira seluk entaun estadu iha parseiru ho Timor Telekom no ida ne’e investimentu ida estratéjiku no kualkér nasaun ida iha mundu telekomunikasaun sai investimentu ida estratéjiku no ne’e la’ós ligadu ho interese komersionál maibé interese nasionál.
Konta eletrisidade Timor nian karun tebe-tebes, purtantu se kompañia ne’e parsialmente estadu nian tenke tau matan no iha obrigasaun uza kompañia ne’e no fó apoiu tanba estadu mak iha póder iha liman atu haree oinsá ajuda kompañia nasionál, seja Timor Telekom ka kompañia seluk ne’ebé kompañia nasionál Timor”, esplika PR Horta.
Iha fatin hanesan ba jornalista sira Diretor Juridika empreza telekomonikasaun Timor Telecom Manuel Cárceres da Costa, hatutan Dividas ne’ebé governu seida’uk selu to ohin loron,hamutuk US $ 5 Milloens, dividas ne’e hahu kedas husi Primeiru governu mai to ohin loron, laos VIII Governo deit husi kedas Primeiru Governo mai, selu oituan-oituan hein katak laran luak husi Primeiru Ministru nian bele rezolve ona.
Dividas ne’ebé governu seida’uk selu to ohin loron,hamutuk US $ 5 Milloens, dividas ne’e hahu kedas husi Primeiru governu mai to ohin loron, la’os VIII Governu deit husi kedas Primeiru governu mai, selu oituan-oituan hein katak laran luak husi Primeiru Ministru nian bele rezolve ona”, dehan Diretor Juridiku Manuel Cárceres da Costa ba.
Tuir Diretor Jurídiku empreza TT katak, uluk dividas ne’e besik $ 10 Milloens, agora selu ona $ 5 milloens, Iha Kay Rala Xanana Gusmão nia tempu selu barak, Rui Araujo nian selu barak mos i depois muda tiha sistema ministeriu ida-idak fula-fualn selu kedas.
Ami sei ko’alia nafatin ho Ministeriu Finansas ( MF) para bele rezolve tiha situasaun ne’e”, esplika Diretor Jurídiku empreza TT ba jornalista iha edifisu.
Jornalista : Rita Moniz
Editór : Agapito de Deus
