Lafaek News–Organizasaun Educating The Future indentifika pre-eskolar iha territoriu nasional hodi hadia hodi empodera edukasaun Timor-Leste liu-liu ba labarik sira, tanba labarik kuaze porsentu 70 ladun asesu ba pre-eskolar.
Asuntu ne’e hato’o husi Fundador Organizasaun Educating the Future, Adam Hegedus, no ekipa hafoin remata enkontru semanal ho Prezidente Repúblika José Ramos Horta iha Palásiu Prezidensiál bairo-pite.
Organizasaun Educating the Future Vizaun, misaun mak atu empodera edukasaun iha Timor-Leste liu-liu ba labarik sira hodi konstrui edifisiu pre-eskolar ne’e rasik , tanba haree ba labarik sira kuaze 70% iha Timor laran tomak ladun asesu ba pre-eskolar, tanba ne’e mak ami foku liu ba pre-eskolar hosi ajuda labarik sira bele asesu pre-eskolar ne’e rasik”, esplika Fundador Organizasaun Educating the Future Adam Hegedus ba jornalista sira iha Palásiu Prezidensiál bairo-pite tersa ( 05/07/2022).
Ekipa ne’e deklara, programa ne’e servisu hamutuk ho Ministériu Edukasaun Juventude no Desportuno mos servisu hamutuk ho munisipiu identifika hodi hadia pre-eskolar ne’ebé mak presiza tebes tulun.
Programa ne’e raik ami konstrui ona edifisiu iha Aileu, Baucau, Ermera, Liquiça,, Ami halo sala de Aula 2 ba estudante sira, no sala de aula ida ba professor sira, Orsamentu hamutuk 45/50 mill kada eskola ida iha Munispiu, ne’e inklui Fasilidade”, esplika Fundador Organizasaun Educating the Future Adam Hegedus.
Fundador Organizasaun Educating the Future ne’e dehan, aleinde konstrui edifísiu pre-eskolar, Organizasaun Educating the Future mos enkoraja komunidade sira, katak importansia baze husi pre-eskolar ne’e rasik importante tebes hafoin afeita ba edukasaun ne’ebe as, tanba edukasaun Pre-eskolar hanesan edukasaun báziku oinsá atu forma karakter no mentalidade, tan ne’e mak parte esensiál liu ba organizasaun ida ne’e.
Iha períodu 2023 ami planu atu harii tan pre-eskolar 20 iha Munisípiu sira seluk, ba oin ami planu atu konstrui edifisiu pre-eskolar hamutuk 350 iha teritóriu laran tomak”.
Iha enkontru ne’e ekipa Organizasaun Educating the Future mos komvida Presidente Repúblika José Ramos Horta atu partisipa iha inagurasaun pre-eskolar iha loron 12 fulan Juliu ne’e, maibé xefi estadu la disponibilidade partisipa promete sei delega ekipa Palasíu Presidensiál hodi partisipa iha inagurasaun pre-eskolar ne’e rasik.
Jornalista : Rita Moniz
Editór : Agapito de Deus
