Lafaek News–Embaixadór Australia Iha Timor–Leste, sesta (24/06/2022) vizita Partidu Demokrátiku (PD) ho objetivu atu buka hatene vizaun no misaun partidu PD nian atu diskute asuntu kona-ba proteze rekursu tasi hodi kontrola peskas illegal.
Iha vizita ne’e, Prezidente Partidu Demokrátiku (PD), Mariano Assanami Sabino relata ba jornalista sira hafoin remata enkontru ho embaixador Australia katak, vizita embaixadór Austrália ne’e hanesan nasaun ne’ebé vizinu no nasaun ne’ebé iha konsisténsia ba programa futuru nian
Ita hotu hatene Australia hanesan nasaun ida ne’ebé besik liu ita konsidera nasaun maun-alin no buat barak ne’ebé apoiu iha ne’e i apoiu antes ita hetan independénsia depois de independénsia Australia nafatin kontinua apoiu, tanba ne’e ohin mai iha ne’e hanesan kolega hanesan maun alin hanesan mos nasaun ida ne’ebé mak iha konsstensiaa ba programa no ba futuru,’’katak prezidente PD Assanami.
Assanami afirma iha sorumutu ne’e mos deskute kona-ba trabalhador sira ne’ebé atu ba Australia no apoiu governu Australia ba agrikultura peskas no pekuaria, hirak ne’e hotu parte ida importante oinsá Timor Leste bele hola parte iha Asean.
Ita hotu hatene katak foin da-dauk nukleu laboratorium ne’ebé halo ba agrikultura ne’e importante tebes ita atu estabelese sanitária no filter sanitária, sistema ne’e parte ida BTO i ne’e mos ba parte ida importante ita atu tama iha Asean, hirak ne’e hotu suporta husi Australia, iha apoiu tomak ba programa ne’ebé ba agrikultura, bainhira ha’u sei ministru, iha ne’e ba ha’u mos apoiu lubuk ida hodi koa’lia ba Timor-Leste ninia ekonomia ba futuru no deskute mos ita nia Tasi-Timor, tanba ne’e mak hetan vizita husi embaixadór Australia no PD hatoo nia komitmentu atu apoiu nafatin ba programa hirak ne’e,’’Assanami sublina.
Iha parte seluk embaixador Australia, Bill Costello afirma vizita kortezia ba Partidu Demokrátiku ho objetivu atu hatene diak liután partidu no hanesan nasaun vizinu buka hatene no halo intródus an hanesan embaixador foun
Vizita korteze sede partidu democraticu atu hatene diak liu tan partidu ida ne’e hanesn mos hanesan nasaun ne’ebé vizinu buka hatene embaixador foun atu mai halo introdus-an , buka hatene program sira ne’ebé iha ne’ebé komprende no kontinua komprende parte husi komisaun D Parlamentu niian atu hatene servisu sira no mos koperasaun sira ne’ebé lao dadauk,’’katak Bill.
Bill dehan, Mariano Assanami hanesan mos prezidente PD no nu’udar mos eis Ministru Agrikultura no iha interese barak iha area agrikultura iha enkontru no-mos ko’alia liu kona-ba seguransa marítima oinsá kontrola peska illegal.
Estajiadu : Julião Pacheco
Editór : Agapito de Deus
