Lafaek News–Paridu Unidade Dezenvolvimentu Demokratíku (PUDD), Sábadu (25/06/2022), realiza konferénsia nasional ba-dala 2 hodi reforsa estrutura baze ho nasional hodi prepara ba eleisaun parlamentár 2023.
Presidente Partidu Unidade Dezenvolvimentu Demokrátiku (PUDD) Silvester Xavier Sufa ba jornalista hateten, objetivu husi konferénsian nasional atu re-estrutura hirak hodi hametin Konsellu Permanente-Orgaun Massa Juventude partide (KP-OMJP nia estrutura hodi prepara ba iha eleisaun parlamenáar iha 2023.
PUDD hanesan partidu ne’ebé joven gora dadaun kompleta ona ba tinan hitu, ohin loron ba segundu konferénsia ba konsellu permanente orgaun masa juventude partidu PUDD, objetivu atu bele harmoniza hikas estrutura ne’ebé uluk iha 2017-2019, ita harmoniza fila-fali, tanba ita hatene katak sistema partidu ninia antes ita atu tama ba iha eleisaun ida presija konferensia ida oinsá bele hadia ou ajusta fali estrutura ne’ebe antes ne’e ita hatur oan, tanba ita hatene katak dala balun estrutura partidu ne’ebé de’it, balu nafatin balun la nafatin, tanba dinámika polítika sempre la hanesan dala-barak akontese estrutura ne’ebé inísiu iha ona balu retira fali nia an husi partidu, tanba ne’e ohin loron ita hala’o seremonia ida ne’e atu hili fila fali presidente ho nia orgaun sira ba iha konsellho permanente-masa juventude (KP-OMJP), katak silvestre Xavier Sufa, ba jornalista iha salaun esperansa delta, sábadu (25/06/2022).
Paridu Unidade Dezenvolvimentu Demokratíku (PUDD) nakonu ho joven, iha serteza atu instala Konsellu Permanente-Orgaun Massa Juventude partidu (KP-OMJP), hanesan oan ka ran husi partidu, tanba joven iha oportunidade ba sira atu kader sai lider liu husi orgaun refere. komesa hahu husi ne’e partidu PUDD nakonu ho joven no partidu jerasaun foun.
Konserteza ohin ita hala’o konferénsia ne’e para ita hetan lideransa husi orgaun ne’e rasik ba iha futuru, tanba eleisaun besik ona la kleur tan presidente sei dekreta data ba eleisaun parlamentar serteza partidu mos prepara ona nia admistrasaun prepara ona planu no programa sira ne’ebé mak ita hala’o, durante ne’e programa pudd nia liu husi baze signifika halo konferénsia iha fatin hout ho objetivu atu halo ajustamentu estrutura hahú husi aldeia suku postu munisipiu to mai iha nivel nasional,’’ nia hakotu
iha parte seluk Prezidente CNJTL Maria Dadi Soares Magno refotsa, nudar foin-sae tenke sai hanesan atuor ba dezenvolvimentu no autor ba transformasaun dezenvolvimentu nasional, foinsa’e iha dever no moral atu rekoñese istória Timor Leste, rekoñese kultura no relijiaun sira, tanba liu husi parte hotu nia kontribuisaun tomak ohin loron povu Timor konkista nia independénsia.
ita hotu hatene katak Timor Leste konkista nia independénsia no hetan rekoñesimentu internasional iha 20 de maiu 2022 no ita mos hatene katak iha tinan 1987 loke dadaun ona dalan ne’ebé luan liu tan ba partisipasaun polítika ne’ebé ita harí Konsellu Nasional Rejisténsia Maubere (CNRM) no ikus mai iha 1998 ita hotu hamutuk konsolida unidade nasional hodi transforma ba iha (CNRT) Konsellu Nasional Rezisténsia Timor, ita hotu hatene katak istorikamente rejisténsia hotu ita halao ho frente tolu(3) kompostu husi frente armada frente klandestina frente diplomata . ho frente tolu ne’e mak loke dalan hodi ita hetan nia independénsia ho nu’une husu ba joven sira atu roknese ita nia istória,’’katak lider CNJTL ne’e.
Observasaun lafaek news nota iha konferénsia nasional ba Konsellu Permanente-Orgaun Massa Juventude partidu (KP-OMJP) ne’e hetan partisipasaun husi reprezentante husi partidu FRETILIN no prezidente CNJTL.
Estajiadu : Julião Pacheco
Editór : Agapito de Deus
